ప్రశ్న రావణ్ సోషల్ మీడియా యాక్టివిస్ట్ భార్య ఆగ్రహం వ్యక్తం చేశారు. తన భర్తపై కొందరు కులం, మతం రంగు పులుముతూ విద్వేషాలు సృష్టించేందుకు ప్రయత్నిస్తున్నారని, ఈ తప్పుడు ప్రచారాన్ని తాను తీవ్రంగా ఖండిస్తున్నానని ఆమె పేర్కొన్నారు. సోషల్ మీడియాలో సర్కులేట్ అవుతున్న వీడియోలో వాస్తవం లేదని, లేని వీడియోను సృష్టించి తప్పుడు ప్రచారం చేస్తున్నారని ఆమె స్పష్టం చేశారు.
ప్రశ్న రావణ్ భార్య మాట్లాడుతూ, తన భర్తకు వ్యతిరేకంగా జరుగుతున్న ప్రచారంలో నిజం లేదని అన్నారు. కొందరు తమ తప్పులను సమర్థించుకోవడానికి ఈ రకమైన అసత్య ప్రచారాలకు దిగారని ఆమె ఆరోపించారు. ప్రజలు ఇలాంటి కల్పిత ప్రచారాలను విశ్వసించవద్దని, నమ్మవద్దని ఆమె కోరారు. తమ కుటుంబం కులాలు, మతాల పేరుతో జరిగే విద్వేషాలకు పూర్తిగా వ్యతిరేకమని ఆమె స్పష్టం చేశారు.
ప్రశ్న రావణ్ భార్య వ్యక్తిగత వివరాలు వెల్లడిస్తూ, తన భర్తది కమ్మ కులమని, ఆయన అధికారిక పేరు రావణ్ అని తెలిపారు. రావణ్ పలానా పార్టీకి లేదా వర్గానికి చెందినవాడని చేస్తున్న ప్రచారంలో నిజం లేదని ఆమె అన్నారు. ప్రశ్న రావణ్ ఏ రాజకీయ పార్టీతో సంబంధాలు కలిగి లేడని, సమాజంలో గొంతులేని వర్గాలకు ఒక గొంతుకై నిలబడటమే ఆయన సిద్ధాంతమని ఆమె స్పష్టం చేశారు.
రాజకీయ ప్రయోజనాల కోసం ఒక వ్యక్తిపై, వారి కుటుంబంపై ఇలాంటి కల్పిత ఆరోపణలు చేయడం సరికాదని పేర్కొన్నారు. ప్రశ్న రావణ్ సోషల్ మీడియా యాక్టివిస్ట్ గా సమాజంలో గొంతులేని వారి కోసం పోరాడుతున్నాడని, అదే ఆయన వర్గమని ఆమె హితవు పలికారు. తన భర్తపై జరుగుతున్న ఈ అసత్య ప్రచారాలను ప్రజలు విశ్వసించవద్దని ఆమె మరోసారి కోరారు.
