Balakrishna: నందమూరి బాలకృష్ణ, దర్శకుడు బోయపాటి శీను కొత్త సినిమా విడుదల కోసం సినీ అభిమానులు ఆసక్తిగా ఎదురుచూస్తున్నారు. సింహా, లెజెండ్, అఖండ లాంటి హ్యాట్రిక్ సినిమాలు చేసిన ఈ జోడీ త్వరలో రిపీట్ కానుందని అర్థమవుతోంది. ఈ పాన్-ఇండియా చిత్రం ను 14 రీల్స్ వారు భారీ బడ్జెట్‌తో నిర్మిస్తున్నారు. ఈ సినిమా ను దసరా లేదా దీపావళి కి ప్రారంభించాలని ప్లాన్ చేస్తున్నారు. ప్రస్తుతం బాబీ దర్శకత్వంలో బాలయ్య తన 109 వ సినిమాను చేస్తున్నారు. ఇది పూర్తి కాగానే బోయపాటి శ్రీను సినిమా చిత్రీకరణ చేపట్టనున్నాడు బాలయ్య. ఇది అఖండ 2 గా తెరకెక్కుతుందని విశ్వసనీయ సమాచారం.
Balakrishna Akhanda2 Movie Update
ఇన్‌సైడ్ టాక్ ప్రకారం ఈ సీక్వెల్ ప్రధానంగా అఘోర పాత్ర చుట్టూ తిరుగుతుందట. ఎన్నికలకు ముందు ఈ సినిమా ను చేయాలనీ భావించగా బోయపాటి రాసిన వెర్షన్‌లో గత ప్రభుత్వంపై ఘాటైన సెటైర్లు ఉన్నాయట. ఏది ఏమైనా టీడీపీ కూటమి గెలుస్తుందన్న నమ్మకంతో స్క్రిప్ట్ సిద్ధం చేసుకున్నారు. ఇదే జరిగింది. ఎలాంటి డైలాగ్‌లు మార్చకుండా ఫస్ట్ లాక్ కథను కొనసాగిస్తారని తెలుస్తుంది. అఘోరా ఫ్లాష్ బ్యాక్ చాలా పవర్ ఫుల్ గా ఉంటుందని అర్థమవుతోంది.
కథానాయిక ప్రగ్యా జైస్వాల్‌తో సహా గత సినిమాలోని నటీనటులు కొనసాగుతారట. బోయపాటి శీను విలన్ పాత్ర కోసం ఓ బాలీవుడ్ నటుడి కోసం వెతుకుతున్నట్లు అర్థమవుతోంది. పవర్ ఫుల్ విలన్ లను బాగా రాసే ఈ పాపులర్ డైరెక్టర్ ఈసారి మరో లెవెల్ వయలెన్స్ చూపిస్తాడని వినికిడి. ఆయన చేసిన స్కంద ఊహించని మరియు ఫలితాన్ని ఇచ్చింది కాబట్టి, వారు ఈసారి ఎటువంటి పొరపాట్లు చేయకూడదని ప్లాన్ చేసుకున్నారట. అఖండ 2 వచ్చే ఏడాది దసరాకి విడుదల కానుంది. సమ్మర్ నాటికి షూటింగ్ పూర్తి చేయాలని బాలయ్య బోయపాటి లక్ష్యంగా పెట్టుకున్నారు.