Devara: దేవర సినిమా విడుదలకు ఇంకొన్ని గంటలు మాత్రమే మిగిలి ఉంది. అయినప్పటికీ, అడ్వాన్స్ బుకింగ్స్ ద్వారా సినిమాపై భారీ అంచనాలు పెరిగిపోయాయి. జూనియర్ ఎన్టీఆర్ ఇమేజ్, ప్రమోషన్స్‌లో చూపించిన కంటెంట్, దర్శకుడి ట్రాక్ రికార్డు కలిసి ఈ సినిమాపై అంచనాలను అమాంతం పెంచాయి. ఇప్పటికే పది లక్షలకు పైగా టికెట్లు అమ్ముడయ్యాయి. ఇంకా కొన్ని గంటలు మిగిలి ఉండడంతో ఈ సంఖ్య మరింత పెరగే అవకాశం ఉంది.
Can Devara Beat Non-RRR Records at the Box Office
ట్రేడ్ వర్గాల అంచనాల ప్రకారం, దేవర అడ్వాన్స్ బుకింగ్స్ ద్వారా సుమారు 75 కోట్ల రూపాయల గ్రాస్ కలెక్ట్ చేయవచ్చు. ఇది నిజమైతే, నాన్-ఆర్ఆర్ఆర్ సినిమాల్లో అత్యధిక అడ్వాన్స్ బుకింగ్స్ రికార్డు నమోదవుతుంది. ఇంతకు ముందు సలార్ సినిమా 48 కోట్ల రూపాయలతో రికార్డు సృష్టించింది. ఇంకా దేవరకు కరెంట్ బుకింగ్స్ జరగవలసి ఉంది కాబట్టి, ఫైనల్ కలెక్షన్స్ ఇంకా ఎక్కువగా ఉండే అవకాశం ఉంది.
Also Read: Rajamouli: మహేష్ బాబు ని రాజమౌళి అంత ఫ్రీ గ వదిలేయడానికి కారణం ఇదేనా?
తమిళంలో సత్యం సుందరం సినిమా పోటీ ఉన్నప్పటికీ, దేవరకు మంచి స్పందన లభిస్తుందని అంచనా వేస్తున్నారు. అయితే, హిందీ వెర్షన్‌కు ఆశించిన స్థాయిలో స్పందన రాకపోవచ్చు. రాత్రి విడుదలయ్యే ఫస్ట్ టాక్ సినిమా భవిష్యత్తును నిర్ణయిస్తుంది. పాజిటివ్ టాక్ వస్తే, దేవర సినిమా దసరా వరకు థియేటర్లలో సత్తా చాటే అవకాశం ఉంది.
చిన్న నగరాలు, సి సెంటర్లలో టికెట్ రేట్లు పెరిగినప్పటికీ, ప్రేక్షకులు సినిమాను చూడటానికి ఆసక్తి చూపుతున్నారు. ఆరేళ్ల తర్వాత జూనియర్ ఎన్టీఆర్ సోలో హీరోగా నటిస్తున్న సినిమా కావడంతో అభిమానులు ఎంతగానో ఆసక్తిగా ఎదురు చూస్తున్నారు. చిలకలూరిపేట, నంద్యాల వంటి ప్రాంతాల్లో భారీ ఫ్లెక్సీలు, కటౌట్‌లు పెట్టి తమ ఆనందాన్ని వ్యక్తం చేస్తున్నారు.