Hydra: తెలంగాణలో అక్రమ నిర్మాణాలను తొలగించేందుకు ప్రారంభించిన హైడ్రా కార్యక్రమం, ఇప్పుడు ప్రభుత్వానికి పెద్ద సమస్యగా మారింది. ఈ కార్యక్రమాన్ని మొదటగా ప్రతిపక్షాలు విమర్శించగా, ఇప్పుడు అధికార పార్టీ నేతల నుంచి కూడా విమర్శలు రావడం ప్రారంభమైంది. వారు హైడ్రా కారణంగా పేదలు తీవ్ర ఇబ్బందులు పడుతున్నారని అభిప్రాయిస్తున్నారు.
Congress Party Faces Internal Struggles Over Hydra Program
కూకట్‌పల్లిలో ఒక వృద్ధురాలు హైడ్రా వల్ల తన ఇల్లు కూల్చివేస్తారేమో అనే భయంతో ఆత్మహత్య చేసుకోవడం రాష్ట్ర వ్యాప్తంగా సంచలనం సృష్టించింది. ఈ ఘటన తర్వాత, ఎల్‌బీనగర్ నియోజకవర్గంలో హైడ్రా కార్యక్రమం ప్రారంభం కానున్నట్లు తెలిసి ప్రజలు మరింత భయాందోళనలో ఉన్నారు.
Also Read: Revanth Reddy: వాహనదారులకు తెలంగాణ సీఎం శుభవార్త.. ముఖాయంగా హైదరాబాద్!!
ఈ నేపథ్యంలో, ఎల్‌బీనగర్ ఎమ్మెల్యే సుధీర్ రెడ్డి చేసిన కొన్ని వ్యాఖ్యలు కాంగ్రెస్ పార్టీలో కలకలం రేకెత్తిస్తున్నాయి. బీజేపీ నేత ఈటెల రాజేందర్‌ను సుధీర్ రెడ్డి తరచూ ప్రశంసించడం, ఆయనకు బీజేపీలో చేరే అవకాశముందని ఊహాగానాలు విస్తరిస్తున్నాయి. సుధీర్ రెడ్డి చేసిన “ఎల్‌బీనగర్‌లో హైడ్రా వస్తే ముందు నన్ను దాటుకొని ప్రజల దగ్గరకు వెళ్లాలి” అనే వ్యాఖ్యలు కాంగ్రెస్ అధిష్టానం ఆందోళనకు గురి చేస్తున్నాయి.
గ్రేటర్ హైదరాబాద్‌లో కాంగ్రెస్ పార్టీ తన ఆధిక్యాన్ని కోల్పోతున్న సమయంలో, సుధీర్ రెడ్డి వంటి ప్రభావశీలి నేతను కోల్పోవడం పార్టీకి పెద్ద ఇబ్బంది. హైడ్రా కార్యక్రమం వల్ల పార్టీలో అసంతృప్తి స్పష్టంగా ఉంది, ఇది కాంగ్రెస్‌కు మరింత సవాల్ గా మారుతోంది.