Rajinikanth: సూపర్ స్టార్ రజనీకాంత్ సోమవారం అర్ధరాత్రి చెన్నైలోని అపోలో ఆసుపత్రిలో చేరారు. మంగళవారం ఆయనకు గుండె సంబంధిత పరీక్షలు నిర్వహించనున్నట్లు ఆసుపత్రి వర్గాలు వెల్లడించాయి. అయితే, ప్రస్తుతం రజనీకాంత్ ఆరోగ్యం నిలకడగా ఉన్నదని వైద్యులు స్పష్టం చేశారు, ఇది అభిమానులకు కొంత ఉపశమనం కలిగించింది.
Rajinikanth Health Update: Fans Worried Admitted to Hospital
73 ఏళ్ల రజనీకాంత్ ప్రస్తుతం ‘వేట్టైయాన్’ మరియు ‘కూలీ’ వంటి రెండు చిత్రాలలో నటిస్తుండగా, ఆయన ఆరోగ్యం బాగా లేదని వార్తలు వినిపించడంతో అభిమానులు ఆందోళన చెందుతున్నారు. గతంలో కిడ్నీ మార్పిడి చేయించుకున్న ఆయన, ఆరోగ్య సమస్యల కారణంగా రాజకీయాలకు దూరమయ్యారని అందరికీ తెలిసిందే.
Also Read: Revanth Reddy: మూసీ నది ప్రాజెక్టు పేరుతో రేవంత్ రాజకీయ నాటకం..కేటీఆర్ ఆరోపణ
ఆసుపత్రిలో చేరడంపై ఇప్పటి వరకు రజనీకాంత్ కుటుంబ సభ్యులు లేదా వైద్యులు అధికారిక ప్రకటన చేయలేదు. అయితే, ఆయన ఆరోగ్యం గురించి సోషల్ మీడియాలో పెద్ద ఎత్తున చర్చ జరుగుతోంది. సూపర్ స్టార్ త్వరగా కోలుకోవాలని, ఆయనకు మద్దతుగా అభిమానులు వేడుకుంటున్నారు.
రజనీకాంత్ రాజకీయ అరంగేట్రానికి సిద్ధమైనప్పటికీ, వైద్యుల సలహా మేరకు ఆయన చివరి నిమిషంలో తన నిర్ణయాన్ని వెనక్కి తీసుకున్న సంగతి తెలిసిందే. అతని అభిమానులు ఆయన ఆరోగ్యం మెరుగుపడాలని, తిరిగి సినిమాల్లో చూడాలని ఆశాభావంతో ఉన్నారు.