Pawan Kalyan: ఆంధ్రప్రదేశ్ డిప్యూటీ సీఎం పవన్ కళ్యాణ్ తిరుపతిలో సనాతన ధర్మంపై చేసిన వ్యాఖ్యలు తమిళనాడులోని డీఎంకే పార్టీకి తీవ్ర ఆగ్రహాన్ని కలిగించాయి. పవన్ చేసిన వ్యాఖ్యలపై డీఎంకే అధికార ప్రతినిధి సయ్యద్ హఫీజుల్లా స్పందిస్తూ, బీజేపీ, టీడీపీ, పవన్ కళ్యాణ్‌లను ఆరోపించారు. “హిందూయిజం పేరుతో రాజకీయ లాభాలు సంపాదించడానికి ప్రయత్నిస్తున్నారని” ఆయన నేరుగా విమర్శించారు. డీఎంకే పార్టీ ఎప్పుడూ ఏ మతంపైనా వ్యతిరేకంగా మాట్లాడలేదని, వారి పోరాటం కుల వ్యవస్థ, అంటరానితనం వ్యతిరేకంగానే సాగుతుందని స్పష్టంచేశారు.
DMK’s Saeed Hafeezullah Critiques Pawan Kalyan Political Intentions
తమిళనాడు డిప్యూటీ సీఎం ఉదయనిధి స్టాలిన్ కూడా పవన్ కళ్యాణ్ వ్యాఖ్యలపై స్పందించారు. “సనాతన ధర్మం గురించి మీ వ్యాఖ్యలకే బదులిచ్చారు కదా” అని ఆయన సరదాగా వ్యాఖ్యానించారు. అయితే, ఈ అంశంపై ఎక్కువగా మాట్లాడాలని ఆయన భావించలేదు.
Also Read: Thalapathy 69: ఘనంగా ‘తలపతి 69’ పూజా కార్యక్రమం.. స్టార్ నటుల ఫోటోలు!!
పవన్ కళ్యాణ్ తన ప్రసంగంలో సనాతన ధర్మాన్ని అవమానిస్తున్నారని ఆవేశంగా వెల్లడించారు. “ఇతర మతాలను గౌరవించే సనాతన ధర్మాన్ని అవమానించడం నేను తట్టుకోలేను” అని చెప్పారు. రామాయణం మరియు తిరుపతి లడ్డూ గురించి జరిగిన అవమానాలను ఉదాహరణగా తీసుకుని, ఉదయనిధి స్టాలిన్ చేసిన “సనాతన ధర్మం ఒక వైరస్” అనే వ్యాఖ్యను ప్రస్తావించారు.
పవన్ కళ్యాణ్ వ్యాఖ్యలు సోషల్ మీడియాలో వైరల్ అయ్యాయి. సనాతన ధర్మాన్ని తుడిచిపెట్టాలని చూస్తే, వారు తామే తుడిచిపెట్టుకుపోతారని ఆయన వ్యాఖ్యలు తమిళనాడులో చర్చనీయాంశమయ్యాయి. ఈ వ్యాఖ్యలు ఉదయనిధి స్టాలిన్‌ను ఉద్దేశించినవేనని డీఎంకే భావించింది, దీంతో పవన్ కళ్యాణ్‌పై తీవ్రంగా స్పందించింది. సనాతన ధర్మంపై వచ్చిన ఈ వివాదం రెండు తెలుగు రాష్ట్రాల మధ్య వాదోపవాదాలు తలెత్తించడంలో ప్రముఖ పాత్ర పోషించింది.