Thalapathy 69: తలపతి విజయ్ నటిస్తున్న తాజా చిత్రం ‘తలపతి 69’ పూజా కార్యక్రమం ఘనంగా చెన్నైలో జరిగింది. ఈ సినిమా విజయ్ కెరీర్‌లో చివరి సినిమాగా ఉండనుందని వార్తలు వినిపిస్తున్నాయి, ఆయన పూర్తిస్థాయి రాజకీయాల్లోకి అడుగుపెట్టనున్నారని సమాచారం. ఈ చిత్రానికి హెచ్. వినోద్ దర్శకత్వం వహిస్తున్నారు. ఈ కార్యక్రమంలో విజయ్‌తో పాటు కథానాయిక పూజా హెగ్డే, ప్రతినాయకుడు బాబీ డియోల్, మమితా బైజు తదితరులు పాల్గొన్నారు.
Thalapathy 69 Pooja Ceremony: Cast and Crew in Attendance
తెలుగు చిత్రం ‘భగవంత్ కేసరి’ ఆధారంగా ఈ చిత్రం రూపొందుతోందని రూమర్స్ వినిపిస్తున్నాయి, అయితే దీనిపై ఇంకా అధికారిక ప్రకటన వెలువడలేదు. విజయ్ సంప్రదాయ దుస్తుల్లో కనిపించి తన లుక్‌తో ఆకట్టుకోగా, మమితా బైజు పాత్రకు సంబంధించిన ఆసక్తి కూడా ప్రేక్షకుల్లో పెరుగుతోంది. ఈ చిత్రం రీమేక్‌నా, కొత్త కథ ఆధారంగా రూపొందుతోందా అన్నది త్వరలోనే తెలుస్తుంది.
Also Read: Alpha: బాలీవుడ్ క్వీన్ అలియా భట్ YRF ఫస్ట్ ఫిమేల్ స్పై ఫిలిం ‘ఆల్ఫా’ రిలీజ్!!
ఈ భారీ కమర్షియల్ ఎంటర్‌టైనర్‌ను కన్నడ నిర్మాణ సంస్థ కెవీఎన్ ప్రొడక్షన్స్ నిర్మిస్తోంది. ప్రముఖులు ప్రకాష్ రాజ్, ప్రియమణి, నరైన్, గౌతమ్ వాసుదేవ్ మీనన్ వంటి వారు ఈ చిత్రంలో ముఖ్య పాత్రల్లో నటిస్తున్నారు. అందరికీ ఇష్టమైన అనిరుధ్ రవిచందర్ ఈ చిత్రానికి సంగీతం అందిస్తున్నారు.
తలపతి విజయ్ కెరీర్‌లో ‘తలపతి 69’ మరో మైలురాయిగా నిలుస్తుందని అభిమానులు ఆశిస్తున్నారు. ఈ చిత్రంపై భారీ అంచనాలు నెలకొన్నాయి, మరిన్ని వివరాలు త్వరలో వెల్లడికానున్నాయి.