Hyderabad: హైదరాబాద్ వాసులకు దసరా సందర్భంగా రాష్ట్ర ప్రభుత్వం శుభవార్త అందించింది. నగరంలో చాలా మంది నీటి బిల్లులు పెండింగ్‌లో ఉండటంతో వాటర్ బోర్డు ఫిర్యాదులు అందుకుంది. ఈ సమస్యను పరిష్కరించేందుకు రేవంత్ రెడ్డి సర్కార్ వన్ టైమ్ సెటిల్మెంట్ స్కీమ్ (ఓటీఎస్) ని ప్రకటించింది. ఇది నగర ప్రజలకు ఆర్థికంగా ఉపశమనం కలిగించబోతోంది.
Hyderabad Water Board One-Time Settlement Scheme Announced
ఈ పథకం ప్రకారం, గతంలో ఎంత బిల్లు పెండింగ్‌లో ఉన్నా, వడ్డీ, ఆలస్య రుసుములు లేకుండా కేవలం అసలు మొత్తం చెల్లించి బకాయిలను తీర్చుకునే అవకాశం కల్పించారు. ఇది అక్టోబర్ 1 నుంచి 31 వరకు అందుబాటులో ఉంటుంది. ఇది ప్రజలకు బడ్జెట్‌లో సర్దుబాటు చేసుకునే మంచి అవకాశం అని మున్సిపల్ ముఖ్య కార్యదర్శి దాన కిషోర్ పేర్కొన్నారు.
Also Read: Devara: దేవర 2 పై అంచనాలు పెంచడానికి ఆపసోపాలు పడుతున్న ఎన్టీఆర్ టీం!!
హైదరాబాద్‌లో కోట్ల రూపాయల నీటి బిల్లులు పెండింగ్‌లో ఉన్నట్లు అధికారులు అంచనా వేస్తున్నారు. గతంలో 2016, 2020ల్లో కూడా ఓటీఎస్ అమలుచేయగా, రూ.500 కోట్లకు పైగా బకాయిలు వసూలయ్యాయి. ఇది మంచి సూచికగా భావించబడింది, ఎందుకంటే ప్రజలు ఈ పథకాన్ని వినియోగించుకుని సక్రమంగా తమ బిల్లులు చెల్లించారు.
ఈ పథకం కింద వడ్డీ మాఫీకి పరిమితి ఉంది, ఆధికారుల స్థాయి ఆధారంగా అనుకూల నిర్ణయాలు తీసుకుంటారు. మరింత మందికి ఈ పథకం ఉపయోగపడాలని, ఆర్థిక భారం తగ్గించుకోవాలని వాటర్ బోర్డు ఎండీ అశోక్ రెడ్డి సూచించారు.