Kanguva: సూర్య నటించిన ‘కంగువ’ 2024 నవంబర్ 14న ప్రేక్షకుల ముందుకు రాబోతుంది. సిరుతై శివ దర్శకత్వంలో తెరకెక్కుతున్న ఈ భారీ బడ్జెట్ చిత్రంపై ఇప్పటికే భారీ అంచనాలు నెలకొన్నాయి. సూర్య ద్విపాత్రాభినయం చేయడం, చారిత్రక నేపథ్యం కావడం ఈ సినిమాకు ప్రత్యేక ఆకర్షణగా నిలుస్తున్నాయి. స్టూడియో గ్రీన్, UV క్రియేషన్స్ సంయుక్తంగా నిర్మిస్తున్న ఈ చిత్రంలో సూర్య కొత్త తరహా పాత్రల్లో కనిపించబోతున్నాడని దర్శకుడు సిరుతై శివ ఒక ఇంటర్వ్యూలో తెలిపారు.
Director Siva Reveals Exciting Details About Suriya Roles in Kanguva
చిత్రంలో చారిత్రక భాగం మరియు వర్తమాన కాలం మధ్య ఏది ఆసక్తికరంగా అనిపించిందని అడిగిన ప్రశ్నకు, సిరుతై శివ, “సూర్య సార్ ఇంతకు ముందు ఇలాంటి పాత్ర చేయలేదు, ఆ పాత్రలే నాకు చాలా ఉత్సాహాన్నిచ్చాయి. చారిత్రక భాగం 2 గంటల పాటు ఉండగా, కంగువ పాత్ర యోధుడిగా ప్రేక్షకులను ఆకట్టుకుంటుంది. సూర్య మరో పాత్ర అయిన ఫ్రాన్సిస్‌గా వర్తమాన కాలంలో 25 నిమిషాల పాటు కనిపిస్తారు” అని చెప్పారు.
Also Read: Gangster Drama Coolie: రజినీకాంత్ కూలీలో నాగార్జున పాత్ర వేరే లెవెల్ లో ఉంటుందట!!
కంగువ పాత్రలో సూర్య ఉగ్ర యోధుడిగా ఉంటే, ఫ్రాన్సిస్ పాత్ర సరదాగా ఉంటుంది. ఈ రెండు పాత్రలు పూర్తి భిన్నంగా ఉండటం విశేషం. సూర్య ఈ పాత్రలు చేయడంలో ఎంతో ఆనందించారని, భాష, శరీరభాష, ఆహార్యంలో పూర్తి వైవిధ్యం చూపించారని దర్శకుడు తెలిపారు. టైటిల్స్ లేకుండా చిత్రం నిడివి 2 గంటల 26 నిమిషాలే కావడం విశేషం.
ఇటీవలి సినిమాలు ఎక్కువ నిడివితో రావడం చూస్తున్నప్పటికీ, ‘కంగువ’ దానికి మినహాయింపు. ఇది షో కౌంట్ పరంగా ఈ చిత్రానికి ప్లస్ పాయింట్ అవుతుందని భావిస్తున్నారు. దిశా పటాని, బాబీ డియోల్ కీలక పాత్రల్లో నటిస్తుండగా, దేవి శ్రీ ప్రసాద్ సంగీతం, వెట్రి పళనిస్వామి సినిమాటోగ్రఫీ అందిస్తున్నారు. ‘కంగువ’ సూర్య కెరీర్‌లో అత్యంత ఖరీదైన సినిమాగా చెప్పబడుతోంది.