Saif Ali Khan: బాలీవుడ్ స్టార్ సైఫ్ అలీ ఖాన్ ఇటీవల విడుదలైన పాన్-ఇండియా యాక్షన్ డ్రామా “దేవర”తో టాలీవుడ్‌లోకి విజయవంతంగా అడుగుపెట్టారు. ఎన్టీఆర్, జాన్వీ కపూర్ ప్రధాన పాత్రల్లో నటించిన ఈ చిత్రానికి కొరటాల శివ దర్శకత్వం వహించారు. ప్రపంచవ్యాప్తంగా దాదాపు 525 కోట్ల రూపాయల వసూళ్లతో “దేవర” సినిమా ఘన విజయం సాధించింది. ఈ విజయంలో సైఫ్ అలీ ఖాన్ పోషించిన భైర పాత్ర కీలకం కాగా, ఆయన నటన ప్రేక్షకుల్ని ఆకట్టుకుంది.
Saif Ali Khan earns ₹12 crore for Devara
సైఫ్ ఈ చిత్రంలో ప్రతినాయకుడిగా కనిపించి, విమర్శకుల ప్రశంసలు అందుకున్నారు. భైర పాత్రలో సైఫ్ అద్భుతమైన నటనను ప్రదర్శించడంతో ఆయన టాలీవుడ్ ప్రేక్షకులను మరింత దగ్గరయ్యారు. “దేవర” సినిమాకు సైఫ్‌కు ఏకంగా 12 కోట్ల రూపాయల భారీ పారితోషికం అందినట్లు సమాచారం, ఇది టాలీవుడ్‌లో ఒక రికార్డు అని చెప్పుకోవచ్చు.
Also Read: Akshay Kumar: జలియన్ వాలాబాగ్ మారణకాండపై అక్షయ్ కుమార్ చిత్రం!!
“దేవర” సినిమాకు విజయవంతమైన తొలి భాగం తర్వాత, రెండవ భాగం కోసం కూడా అభిమానుల్లో ఆసక్తి పెరిగింది. “దేవర 2” షూటింగ్ త్వరలోనే ప్రారంభమై, వచ్చే ఏడాది చివర్లో ప్రేక్షకుల ముందుకు రానుంది. సైఫ్ అలీ ఖాన్ పాత్రకు సంబంధించి ప్రేక్షకులలో విపరీతమైన అంచనాలు నెలకొన్నాయి, ఆయన మళ్ళీ అదే నటనను చూపుతారని అభిమానులు ఆశిస్తున్నారు.
టాలీవుడ్‌లో తన డిమాండ్ పెరిగిన సైఫ్, ఇప్పుడు మరిన్ని ప్రాజెక్ట్స్‌కి సంతకాలు చేసే దిశగా ఉన్నారు. పలువురు ప్రముఖ దర్శకులు, నిర్మాతలు ఆయనతో సినిమాలు చేయాలని ఆసక్తి చూపుతున్నారు.