Chandrababu Naidu: ఏపీ ముఖ్యమంత్రి చంద్రబాబు నాయుడు “నొప్పించ‌క – తానొవ్వ‌క – తప్పించుకు తిరుగువాడే ధ‌న్యుడు” అనే సుమతీ శతకంలోని పద్యాన్ని తన పాలనకు అన్వయించుకుంటున్నారని విమర్శలు వ్యక్తమవుతున్నాయి. రాష్ట్రంలో అధికారంలోకి వచ్చిన నాలుగు నెలల్లోనే టీడీపీ నాయకులు అవినీతికి పాల్పడుతున్నారని, అన్ని జిల్లాల్లో అక్రమాలు జరుగుతున్నాయని టీడీపీ అనుకూల మీడియా కథనాలు ప్రచురిస్తున్నాయి. ఇసుక, మద్యం వంటి అంశాలలో టీడీపీ నేతల అక్రమాలు స్పష్టంగా బయటపడుతున్నాయి.
Analyzing Chandrababu Naidu Approach to Party Discipline
ఈ పరిస్థితి చంద్రబాబుకు ఆందోళన కలిగిస్తోంది. ఈ నేపథ్యంలో, ఆయన ఎమ్మెల్యేలు, మంత్రులు, ఎంపీలను సమ్మిళితంగా పిలిపించి “క్లాస్” ఇచ్చారు. అయితే, ఆయన తన పార్టీ నేతలను గట్టిగా మందలిస్తారని అనుకుంటున్న వారిని నిరాశపరచి, సుతిమెత్తగా హెచ్చరించారు. వైసీపీ నేతల ప్రవర్తనా శైలిని అనుకరించకూడదని, ఇప్పటి వరకు జరిగినదంతా తనకు తెలుసని, ఇక నుంచి జాగ్రత్తగా ఉండాలని సూచించారు.
Also Read : Visakhapatnam: విశాఖలో ఆసక్తికర రాజకీయాలు.. అన్ని పార్టీలకు మోజెందుకో!!
125 రోజుల పాలనలో కూటమి ప్రభుత్వం, ముఖ్యంగా టీడీపీ చేసిన మంచి పనులను సమీక్షించుకుని ముందుకు వెళ్లాలని ఆయన సూచించారు. ఇతర అంశాలపై కూడా సోదాహరణంగా ప్రసంగించారు. కానీ, ఇసుక, మద్యం వంటి అక్రమాలపై కఠినంగా స్పందించలేకపోయారు.
చంద్రబాబు ఈ విధంగా మెలకువగా వ్యవహరించడం వల్ల పార్టీ నేతలు రెచ్చిపోకుండా ఉంటారని భావించడం భ్రమేనని పరిశీలకులు చెప్తున్నారు. టీడీపీ నేతల అవినీతిని చంద్రబాబు కట్టడి చేయకపోతే, ప్రజల్లో పార్టీ పట్ల వ్యతిరేకత పెరగడం అనివార్యం అని వారు హెచ్చరిస్తున్నారు.