Ram Charan: ఆర్‌ఆర్‌ఆర్‌ సినిమాతో ప్రపంచవ్యాప్తంగా గుర్తింపు తెచ్చుకున్న రామ్ చరణ్, ఇప్పుడు పాన్ ఇండియా స్టార్‌గా ఎదిగారు. ఆయన నటన, స్టైల్, స్క్రీన్ ప్రెజెన్స్‌కి ఫిదా అయిన సినీ ప్రేక్షకులు, ఆయన తదుపరి చిత్రం కోసం ఎంతో ఆతృతగా ఎదురు చూస్తున్నారు. ప్రస్తుతం రామ్ చరణ్, ప్రముఖ దర్శకుడు శంకర్ దర్శకత్వంలో తెరకెక్కుతున్న “గేమ్ ఛేంజర్” అనే భారీ బడ్జెట్ చిత్రంలో నటిస్తున్నారు. శ్రీ వెంకటేశ్వర క్రియేషన్స్‌ బ్యానర్‌పై దిల్ రాజు నిర్మిస్తున్న ఈ సినిమా వచ్చే ఏడాది సంక్రాంతి సందర్భంగా జనవరి 10న విడుదల కానుంది.
Ram Charan Juggles ‘Game Changer’ Promotions and ‘RC16’ Filming
“గేమ్ ఛేంజర్” సినిమా విడుదలకు ముందే భారీ అంచనాలు నెలకొన్నాయి. దీన్ని దృష్టిలో ఉంచుకుని నిర్మాత దిల్ రాజు పాన్ ఇండియా స్థాయిలో గ్రాండ్ ప్రమోషన్ ప్లాన్ సిద్ధం చేశారు. నవంబర్ నెలాఖరు నుంచి ప్రారంభమయ్యే ఈ ప్రమోషన్స్‌లో రామ్ చరణ్ దేశంలోని ప్రధాన నగరాల్లో పర్యటిస్తూ, ప్రెస్ మీట్స్, ఇంటర్వ్యూస్, ఫ్యాన్ మీట్స్ వంటి కార్యక్రమాల్లో పాల్గొంటూ సినిమాను ప్రమోట్ చేయనున్నారు.
Also Read : Nagarjuna: అనంతపురంలో వరదల్లో చిక్కుకున్న నాగార్జున.. చివరికి!!
ఇక “గేమ్ ఛేంజర్” ప్రమోషన్స్ తో పాటు రామ్ చరణ్ తన తదుపరి సినిమా “ఆర్‌సీ 16” షూటింగ్ లో కూడా బిజీగా ఉండనున్నారు. ఈ చిత్రానికి బుచ్చిబాబు సానా దర్శకత్వం వహిస్తుండగా, జాన్వీ కపూర్ హీరోయిన్‌గా నటిస్తోంది. ఈ సినిమాలో కొత్త లుక్‌లో కనిపించడానికి రామ్ చరణ్ ప్రత్యేక శిక్షణ కూడా తీసుకుంటున్నారు.
నవంబర్, డిసెంబర్, జనవరి నెలల్లో రామ్ చరణ్ హెక్టిక్ షెడ్యూల్‌లో ఉండనున్నారు. “ఆర్‌సీ 16” షూటింగ్, “గేమ్ ఛేంజర్” ప్రమోషన్స్‌ను సమర్థవంతంగా నిర్వహించడం రామ్ చరణ్‌కి సవాలుగా ఉంటుందేమో కానీ, తన టీమ్‌తో కలిసి ఈ షెడ్యూల్‌ని విజయవంతంగా పూర్తి చేసేందుకు సన్నద్ధం అవుతున్నారు.