YSRCP Leaders: కుప్పంను పట్టించుకోని వైసీపీ.. అక్కడ పార్టీ బలహీనమయినట్లే!!

YSRCP Leaders: వైసీపీ ప్రభుత్వ హయాంలో, మాజీ మంత్రి పెద్దిరెడ్డి రామచంద్రారెడ్డి కుప్పం నియోజకవర్గంలో చంద్రబాబును ఓడించేందుకు విశ్వ ప్రయత్నాలు చేశారు. ముఖ్యమంత్రి జగన్ కూడా కుప్పం బాధ్యతలను పెద్దిరెడ్డి చేతుల్లో పెట్టడంతో, ఆయన కుప్పంలో తన రాజకీయ ఆటను నడిపారు. ఈ క్రమంలో పెద్దిరెడ్డితో పాటు, కుప్పం వైసీపీ ఇన్‌చార్జ్‌గా ఉన్న ఎమ్మెల్సీ భరత్ కలిసి రాజకీయ అరాచకాలు చేశారు. కుప్పం మున్సిపల్, పంచాయతీ, ఎంపీటీసీ, జడ్పిటిసి ఎన్నికల్లో తెలుగుదేశం పార్టీ సభ్యులను బెదిరించి, వైసీపీ విజయం సాధించేలా వ్యవహరించారు.

YSRCP Leaders Faced Setbacks in Kuppam After Election Loss

అయితే, సాధారణ ఎన్నికల సమయంలో పెద్దిరెడ్డి చేసిన సవాళ్లు విఫలమయ్యాయి. చంద్రబాబు కుప్పం నియోజకవర్గంలో 45,000 ఓట్ల మెజార్టీతో ఘన విజయం సాధించారు. వైసీపీ అధికారంలో ఉన్న సమయంలో జరిగిన అరాచకాలు ఇప్పుడు తిరుగుదాడి అయ్యాయి. ప్రజల్లో పెరిగిన ఆగ్రహం కారణంగా, పెద్దిరెడ్డి మరియు భరత్ ఇద్దరూ కుప్పం ప్రాంతంలో అడుగుపెట్టలేని పరిస్థితిలోకి వచ్చారు. పార్టీ ఓటమి తర్వాత, వైసీపీ కార్యకర్తలలో సగం మంది పార్టీని వదిలి పారిపోగా, మరికొందరు టీడీపీలో చేరారు.

Also Read : SS Rajamouli: మహేష్ బాబు సినిమా గురించి రాజమౌళి కీలకమైన అప్డేట్!!

వైసీపీ ఇన్‌చార్జ్‌గా ఉన్న భరత్ కూడా నియోజకవర్గాన్ని వదిలిపెట్టి హైదరాబాద్‌లో స్థిరపడ్డారు. వైసీపీ అధికారంలో ఉన్నప్పుడు కుప్పంలో తనే రాజుగా చెలామణి అయిన భరత్, పార్టీ ఓడిపోయిన వెంటనే వెనుకడుగు వేశారు. ఒకప్పుడు చంద్రబాబు పర్యటనను అడ్డుకునేందుకు రాళ్లు వేస్తానని, బాంబులు పేల్చుతానని ప్రకటించిన భరత్, ఇప్పుడు పూర్తిగా రాజకీయ రంగం నుంచి తప్పుకున్నారు.

ఇప్పుడీ పరిస్థితిలో, కుప్పం వైసీపీ శ్రేణులకు నాయకత్వం లేకుండా పోయింది. పార్టీకి అండగా ఉండాల్సిన పెద్దిరెడ్డి కూడా కుప్పం వైపు చూడటం లేదు. భరత్ కూడా నియోజకవర్గానికి దూరంగా ఉండటంతో, వైసీపీ కార్యకర్తలకు ధైర్యం తగ్గిపోయింది. ఇటువంటి పరిస్థితుల్లో వైసీపీ కార్యకర్తలు, నాయకులు మనోధైర్యంతో ముందుకు వెళ్ళాలంటే, నాయకత్వం అనివార్యం.