NTR Next Film: ప్రశాంత్ నీల్ దర్శకత్వంలో ఎన్టీఆర్ నటించనున్న సినిమా ఇటీవల పూజా కార్యక్రమాలతో ప్రారంభమైంది. ఈ భారీ బడ్జెట్ చిత్రాన్ని మైత్రీ మూవీ మేకర్స్ నిర్మిస్తున్నారు. మొదట ఈ సినిమాకు ‘డ్రాగన్’ అనే టైటిల్ నిర్ణయించగా, తమిళంలో అదే టైటిల్‌తో మరో సినిమా రావడంతో కొత్త టైటిల్‌ను పరిశీలిస్తున్నారు. ఈ కొత్త టైటిల్ సినిమా థీమ్‌కి తగ్గట్టుగా, అభిమానుల అంచనాలను తీర్చే విధంగా ఉండేలా చిత్ర బృందం జాగ్రత్తలు తీసుకుంటోంది.
Maitree Movie Makers Reveal NTR Next Film Title Plans
సినిమా షూటింగ్ నవంబర్‌లో ప్రారంభం కానుంది, అయితే ఎన్టీఆర్ లేకుండానే ప్రశాంత్ నీల్ ఈ షూటింగ్‌ను మొదలు పెడతాడని సమాచారం. ఎన్టీఆర్ ప్రస్తుతం ఇతర సినిమాల షూటింగ్స్‌లో బిజీగా ఉన్నారు, అందువల్ల వచ్చే ఏడాది మాత్రమే ఈ సినిమాకు జాయిన్ అవుతారని చెప్తున్నారు. ప్రస్తుతం ఎన్టీఆర్ ‘వార్ 2’ షూటింగ్‌లో ఉన్నారు, ఈ సినిమాలో ఆయన హృతిక్ రోషన్‌తో కలిసి కీలకమైన యాక్షన్ సన్నివేశాల్లో నటిస్తున్నాడు. ఈ సన్నివేశాలను విదేశాల్లో భారీ స్థాయిలో చిత్రీకరించడం జరుగుతోందని సమాచారం.
Also Read: Prabhas: ప్రతి బర్త్డే కి ప్రభాస్ చేసే పనేంటో తెలిస్తే కన్నీళ్లు పెట్టుకోవాల్సిందే..?
ఈ సినిమా 2026 జనవరిలో విడుదల కానుంది. అందువల్ల ఎన్టీఆర్ త్వరగా షూటింగ్‌ను పూర్తి చేయాలని చూస్తున్నారు, ఈ ఏడాది చివర్లో షూటింగ్ ప్రారంభమై 8 నెలల్లో పూర్తిచేయాలని ప్లాన్ చేస్తున్నట్లు తెలుస్తోంది. ఈ సినిమా తర్వాత ఎన్టీఆర్, కొరటాల శివ దర్శకత్వంలో ‘దేవర 2’లో నటించబోతున్నారు, దీనికి సంబంధించి కథా చర్చలు ఇప్పటికే మొదలయ్యాయి.
ప్రశాంత్ నీల్ ఈ సినిమా తర్వాత ‘సలార్ 2’పై దృష్టి పెడతారని భావిస్తున్నారు. ‘సలార్’ విజయం తర్వాత, ఈ సినిమాపై అంచనాలు భారీగా పెరిగాయి. అంతేకాకుండా, ఆయన ‘కేజీఎఫ్ చాప్టర్ 3’ మరియు రామ్ చరణ్‌తో సినిమా చేయాలని ప్లాన్ చేస్తున్నాడు. ప్రశాంత్ నీల్-రామ్ చరణ్ కాంబినేషన్‌లో సినిమా వస్తున్న వార్త అభిమానులను ఎంతగానో ఉత్సాహపరుస్తోంది.