Lucky Bhaskar: మలయాళం హీరో దుల్కర్ సల్మాన్ తాజా చిత్రం “లక్కీ భాస్కర్”. సూపర్ హిట్ సినిమా సీతారామం తర్వాత వచ్చిన ఈ సినిమా తో మళ్ళీ విజయం అందుకున్నారు. తెలుగు చిత్ర పరిశ్రమలో ఇది ఆయనకు వరుసగా మూడో విజయం కావడం విశేషం. వెంకీ అట్లూరి దర్శకత్వం వహించిన ఈ సినిమా ప్రీమియర్ షోల ద్వారా ప్రేక్షకులను ఆకట్టుకుంది. ఆసక్తికరమైన కథతో పాటు దుల్కర్ సల్మాన్, మీనాక్షి చౌదరి లాంటి నటులు నటించిన ఈ సినిమా ముందు నుంచే హైప్ పెంచింది.
Dulquer Salmaan ‘Lucky Bhaskar’ Impresses
విడుదలైన వెంటనే, “లక్కీ భాస్కర్” అన్ని వర్గాల ప్రేక్షకుల నుండి విశేష ప్రశంసలను అందుకుంది. కథా కథనాలు, దుల్కర్ సల్మాన్ నటన, జివి ప్రకాష్ కుమార్ అందించిన సంగీతం చిత్రానికి అదనపు ఆకర్షణలుగా నిలిచాయి. ప్రేక్షకుల నుంచి వచ్చిన ఈ స్పందన, మొదటి రోజే బాక్సాఫీస్ వద్ద 12.7 కోట్ల రూపాయల వసూళ్లను రాబట్టేలా చేసింది. ప్రతి ప్రేక్షకుడి హృదయాన్ని తాకేలా సినిమా ఉండటం ఈ విజయానికి ప్రధాన కారణం అని చెప్పవచ్చు.
Also Read: Pawan Kalyan: పవన్ కళ్యాణ్ తో రాజకీయ డ్రామా.. రివీల్ చేసిన బడా నిర్మాత!!
ఈ వారాంతంలో వసూళ్లు మరింత పెరుగుతాయని ట్రేడ్ విశ్లేషకులు అంచనా వేస్తున్నారు. దుల్కర్ సల్మాన్ తన అద్భుత నటనతో పాత్రలో జీవించడంతోపాటు, వెంకీ అట్లూరి కథనంలోని వినూత్నత, ప్రతి సన్నివేశం ప్రేక్షకులను మరింతగా ఆకట్టుకుంటోంది. ఈ సినిమాలోని సన్నివేశాలు, సంభాషణలు ప్రేక్షకులపై విశేషమైన ముద్ర వేశాయి. ఇదే ఈ చిత్రానికి విజయావకాశాలను బలపరిచింది.
కథానాయికగా మీనాక్షి చౌదరి నటించగా, సాయి కుమార్, రామ్కి, టిన్నూ ఆనంద్ వంటి అనుభవజ్ఞులు కీలక పాత్రల్లో మెప్పించారు. నాగ వంశీ మరియు సాయి సౌజన్య నిర్మించిన ఈ చిత్రం, తెలుగు సహా పలు భాషల్లో విడుదలై విస్తృత ప్రేక్షకాదరణను పొందుతోంది. దేశ వ్యాప్తంగా అన్ని కేంద్రాల్లో విశేష ఆదరణ పొందుతున్న ఈ చిత్రం, దుల్కర్ సల్మాన్‌కి తెలుగు పరిశ్రమలో మరింత క్రేజ్ తెచ్చేలా ఉంది.