Amy Jackson: బ్రిటిష్ మోడల్, ఇండియన్ నటి అమీ జాక్సన్ గురించి తెలుగు ప్రేక్షకులకు ప్రత్యేక పరిచయం అవసరం లేదు. రజనీకాంత్ తో “రోబో,” ధనుష్ తో “నవవసంతం,” రామ్ చరణ్ తో “ఎవడు,” విజయ్ తో “తేరి,” విక్రమ్ తో “ఐ” వంటి చిత్రాల్లో నటించి ఆమె తెలుగు ప్రేక్షకులకు బాగా చేరువయ్యారు. బాలీవుడ్‌లో కూడా వరుస అవకాశాలు అందుకున్నప్పటికీ, వ్యక్తిగత జీవితానికి ప్రాధాన్యం ఇస్తూ కొన్నాళ్లు సినిమాలకు దూరంగా ఉన్నారు. ప్రేమ, పిల్లలు, పెళ్లి వంటి అంశాల్లో తన ప్రయాణం కొనసాగిస్తూ, కెరీర్‌ను కొంతకాలం పక్కన పెట్టాల్సి వచ్చింది.
Amy Jackson Baby Bump Photos
అమీ వ్యక్తిగత జీవితం అనేక మలుపులు తిరిగింది. మొదట బాలీవుడ్‌లో ఓ ప్రముఖ నటుడితో రిలేషన్‌లో ఉన్న ఆమె, తరువాత బ్రేకప్ చెప్పి జార్జ్ పనాయోటౌ అనే విదేశీయుడిని డేటింగ్ చేయడం ప్రారంభించారు. వీరికి ఒక కుమారుడు ఆండ్రియాస్ పుట్టాక వివాహం చేసుకున్నారు, అయితే ఆ పెళ్లి ఎక్కువ కాలం నిలవలేదు. విభేదాల కారణంగా రెండు సంవత్సరాలకే జార్జ్‌తో ఆమె విడిపోయారు. 2023 ప్రారంభంలో, “గాసిప్ గర్ల్” అనే ప్రముఖ షో ద్వారా పేరుపొందిన హాలీవుడ్ నటుడు ఎడ్వర్డ్ జాక్ పీటర్ వెస్ట్‌విక్‌తో అమీ ప్రేమలో పడ్డారు. జనవరిలో వీరిద్దరి నిశ్చితార్థం జరిగి, ఆగస్టులో ఇటలీలో వైభవంగా వివాహం చేసుకున్నారు.
Also Read: Rohit Sharma: రోహిత్ శర్మ రిటైర్మెంట్.. న్యూజిల్యాండ్ సిరీస్ ఓటమి తో కీలక నిర్ణయం!!
అమీ ఇటీవల తన గర్భధారణ వార్తను సోషల్ మీడియాలో వెల్లడించి, అందరినీ ఆశ్చర్యపరిచారు. పెళ్లయిన రెండు నెలలకే బేబీ బంప్ ఫోటోలు షేర్ చేస్తూ, తన అభిమానులకు కొత్త వార్తను తెలియజేశారు. ఇంతకుముందు భర్త జార్జ్ పనాయోటౌతో విడిపోయాక, తన ఐదేళ్ల కొడుకు ఆండ్రియాస్ పనాయోటౌను అల్లారుముద్దుగా పెంచుకుంటున్నారు. తాజాగా ఎడ్వర్డ్ వెస్ట్‌విక్‌తో ఆమె రెండవ బిడ్డను ఆశిస్తున్నారు. ఈ గుడ్ న్యూస్‌పై ఆమె అభిమానులు, బాలీవుడ్, టాలీవుడ్ ప్రముఖులు సోషల్ మీడియా ద్వారా శుభాకాంక్షలు తెలుపుతున్నారు.
ఇదిలా ఉండగా, సినిమాల పరంగా చూసుకుంటే, అమీ జాక్సన్ 2018లో రజనీకాంత్‌తో చేసిన “రోబో 2” మరియు కన్నడలో “విలన్” చిత్రాల తర్వాత కొన్ని సంవత్సరాలు సినిమాలకు విరామం ఇచ్చారు. ఈ సంవత్సరంలో మళ్లీ తమిళంలో “మిషన్” అనే చిత్రంతో, హిందీలో “క్రాక్” అనే సినిమాతో రీ ఎంట్రీ ఇచ్చారు. ప్రస్తుతం ఆమె చేతిలో మరిన్ని ప్రాజెక్టులు లేనిప్పటికీ, పర్సనల్ మరియు ప్రొఫెషనల్ జీవితాల్లో ఒక సరికొత్త అధ్యాయాన్ని ఆరంభిస్తున్నారు.
