Citadel Sequel: సమంత మరియు వరుణ్ ధావన్‌ జంటగా నటించిన ‘సిటాడెల్: హనీ బన్నీ’ వెబ్ సిరీస్‌ విడుదలై ప్రేక్షకుల హృదయాలను ఆకట్టుకుంటుంది. థ్రిల్లింగ్‌ కథనంతో పాటు సమంత, వరుణ్ ప్రదర్శన అందరినీ అలరించింది. సిరీస్‌లో వారి నటనకు వచ్చిన ప్రశంసలను చూస్తే, అభిమానులు సీక్వెల్ కోసం ఎంతగానో ఎదురుచూస్తున్నారని స్పష్టమవుతోంది. ఈ సిరీస్‌ విజయంతో తమ ప్రేక్షకులకు మరింత థ్రిల్ పంచాలని మేకర్స్ నిర్ణయించారు.
Varun Dhawan Talks About Citadel Sequel
ఇటీవల వరుణ్ ధావన్‌ ఇచ్చిన ఇంటర్వ్యూలో సిటాడెల్ సీక్వెల్ గురించి పలు ఆసక్తికర విషయాలు బయటపడ్డాయి. సీక్వెల్‌ను వెబ్ సిరీస్‌ గా కాకుండా సినిమాగా తీసుకురావాలని మేకర్స్ భావిస్తున్నారట. దీంతో ప్రేక్షకుల్లో ఆసక్తి పెరిగింది. వెబ్ సిరీస్‌గా ప్రసిద్ధి పొందిన కథని పెద్ద తెరపై సినిమా రూపంలో తీసుకురావాలనుకోవడం, ప్రత్యేకంగా ఇండియన్‌ కంటెంట్‌లో సరికొత్త ప్రయోగమే అని చెప్పొచ్చు.
Also Read: Suriya Kanguva: కోలీవుడ్ లోనే కంగువ కి తక్కువ ధియేటర్లు.. ఎవరిదీ తప్పు?
అయితే, సిటాడెల్ సీక్వెల్ సినిమాగా వస్తుందన్న ఈ నిర్ణయంపై ప్రేక్షకులు మిశ్ర స్పందనలు వ్యక్తం చేస్తున్నారు. కొంతమంది అభిమానులు ఈ నిర్ణయానికి మద్దతు తెలుపుతూ కథలో మార్పులు తెచ్చే అవకాశం ఉందని అనుకుంటున్నారు. అయితే, మరికొందరు మాత్రం సిటాడెల్ కథను సీరిస్ ఫార్మాట్‌లోనే కొనసాగిస్తే బాగుంటుందంటూ అభిప్రాయపడుతున్నారు.
సమంత గత కొంతకాలంగా అనారోగ్య కారణాలవల్ల వెండితెరపై కనపడకపోయినా, ‘సిటాడెల్’ సిరీస్‌తో తనలోని ప్రతిభను మరోసారి నిరూపించింది. ఈ సిరీస్‌లో సమంత చేసిన యాక్షన్‌ సన్నివేశాలు ప్రేక్షకులను ఆశ్చర్యపరిచాయి. తల్లి పాత్రలో నటిస్తూనే యాక్షన్‌ సన్నివేశాల్లో సమంత బలమైన పెర్ఫార్మెన్స్‌ ఇవ్వడం, ఈ సిరీస్‌కు ప్రత్యేక ఆకర్షణగా నిలిచింది. అటువంటి నటనకు ప్రేక్షకుల నుండి భారీ స్పందన రావడంతో, సీక్వెల్‌లో ఆమె పాత్ర పై అందరూ ఆసక్తిగా ఎదురుచూస్తున్నారు.
‘సిటాడెల్’ సీక్వెల్‌లో సమంత పాల్గొంటారా అన్న ప్రశ్న ఇప్పటికీ అనేక అభిమానులను ఉత్కంఠకు గురి చేస్తోంది. అనారోగ్యానికి చికిత్స పొందుతూ విశ్రాంతి తీసుకుంటున్న సమంత త్వరలో తన ఆరోగ్య పరిస్థితిపై స్పందిస్తుందని అభిమానులు ఆశిస్తున్నారు. అదే సమయంలో, వెబ్ సిరీస్‌ నుండి సినిమాకు మారుతున్న ఈ ప్రయోగం ప్రేక్షకులకు ఏ విధమైన ఫలితాన్ని తీసుకొస్తుందనేది ఆసక్తికరం.