NBK109: నందమూరి బాలకృష్ణ ప్రధాన పాత్రలో బాబీ దర్శకత్వంలో తెరకెక్కుతున్న ‘డాకు మహారాజ్’ సినిమాపై భారీ అంచనాలు నెలకొన్నాయి. ఈ చిత్రానికి సంబంధించిన టైటిల్‌ను అధికారికంగా ప్రకటించడంతో పాటు, టీజర్‌ను కూడా విడుదల చేశారు. టైటిల్ వింటుంటేనే కథలో ఉన్న విభిన్నతను ఊహించవచ్చు. బాలకృష్ణ అభిమానులు ఈ సినిమాపై ఉత్సాహంతో ఎదురుచూస్తున్నారు. ఈ సినిమాకు క్రేజీ స్టార్ కాస్ట్ ఉండటం మరింత ఆకర్షణగా మారింది.
Balakrishna’s NBK109 Titled As “Daku Maharaj”
బాలకృష్ణతో పాటు ఈ సినిమాలో బాలీవుడ్ నటుడు బాబీ డియోల్ కీలక పాత్రలో కనిపించనున్నాడు. బాలకృష్ణ సరసన ప్రగ్యా జైస్వాల్ నటించగా, శ్రద్ధా శ్రీనాథ్, చాందినీ చౌదరి వంటి కథానాయికలు కూడా చిత్రంలో ముఖ్యమైన పాత్రలు పోషించనున్నారు. బాబీ డియోల్ తెలుగు సినిమా పరిశ్రమలో నటిస్తున్న మొదటి చిత్రం ఇదే కావడం విశేషం. ఈ చిత్రానికి నాగవంశీ, సాయి సౌజన్య నిర్మాతలుగా వ్యవహరిస్తున్నారు. బాబీ తెరకెక్కిస్తున్న ఈ సినిమా భారీ బడ్జెట్‌తో రూపొందుతుంది. తమన్ సంగీతం అందించడంతో పాటలు, నేపథ్య సంగీతం ప్రేక్షకులను మరింత ఆకట్టుకునేలా ఉంటాయని అంచనా వేస్తున్నారు.
Also Read: Pawan Kalyan: పవన్ పై మరోసారి ఆసక్తికర వ్యాఖ్యలు చేసిన పుష్పరాజ్!!
ఇంతటి ప్రతిష్టాత్మక చిత్రంకు తమన్ సంగీతం మరింత ఊరటనిచ్చే అంశం. సినిమాకు సంబంధించిన టీజర్ చూస్తేనే ఈ ప్రాజెక్ట్‌పై దర్శకుడు ఎంత కష్టపడ్డాడో అర్థం అవుతుంది. ఈ చిత్రం వచ్చే ఏడాది సంక్రాంతి పండగకు అంటే జనవరి 12, 2025న ప్రేక్షకుల ముందుకు రాబోతుంది. బాలకృష్ణ అభిమానుల కోసం ఇది ఒక సంతోషకరమైన వార్త. సంక్రాంతి సెలవుల్లో కుటుంబ సభ్యులతో కలిసి చూడదగిన చిత్రంగా ఈ సినిమా ఉంటుందని చిత్రబృందం భావిస్తుంది. ‘డాకు మహారాజ్’ విడుదలతో ఈ ఏడాది సంక్రాంతి పండుగను మరింత వేడుకగా మార్చేందుకు బాలయ్య బాబు మరోసారి సిద్ధమవుతున్నట్లు కనిపిస్తోంది.