Bharateeyudu2: నిన్న విడుదలైన భారతీయుడు 2 సినిమా ఇండస్ట్రీని మాత్రమే కాకుండా ప్రేక్షకులను కూడా ఆశ్చర్యపరిచింది. కల్ట్ బ్లాక్‌బస్టర్‌కి సీక్వెల్ అయిన ఈ పాన్-ఇండియన్ చిత్రం తప్పకుండా బాగుంటుందని అందరూ భావించారు కానీ ఏమాత్రం అలరించాలేకపోయింది. తమిళ వెర్షన్‌లో కూడా ఈ సినిమా ఆశించిన స్పందనను పొందడంలో విఫలమైంది, అభిమానులను తీవ్ర నిరాశకు గురి చేసింది. అయితే ఏపీ తెలంగాణలలో మాత్రం ఈ సినిమా కు మెరుగైన వసూళ్లు రావడం గమనార్హం. ఇప్పుడు అందరి వేళ్లూ దర్శకుడు శంకర్ వైపే ఉన్నాయి. “ఐ” నుండి “భారతీయుడు 2” వరకు అతని ముద్ర ఎక్కడా కనిపించడం లేదని ఆయనపై విమర్శలు వస్తున్నాయి.
Bharateeyudu2 director shankar and rajamouli
ఈ సందర్భంగా రాజమౌళిని ప్రస్తావించాల్సిందే. జక్కన్న కేవలం డైరెక్టర్ గానే ఉంటాడు. ఆయన కథలు రాయడు. అతని తండ్రి విజయేంద్ర ప్రసాద్ ఇచ్చిన థీమ్ ఆధారంగా ఒక వెర్షన్‌ను రూపొందించడానికి బృందంతో కలిసి పనిచేస్తాడు. స్క్రీన్‌ పై బాగా పనిచేసి సినిమా కు జీవం పోస్తాడు ఈ విషయం ప్రేక్షకులకు బాగా తెలుసు. సినిమాలో ఆశ్చర్యపోయేలా బ్లాక్‌లు మరియు సెంటిమెంట్‌లను పండించి ఎన్నో గొప్ప సినిమాలను రూపొందిస్తారు. శంకర్‌కి ఒకప్పుడు సుజాత అనే రచయిత (గతంలో ఎస్ రంగరాజన్ అని పేరు) అండ ఉండేవారు. ‘రోబో’ చిత్రీకరణ సమయంలో ఆయన చనిపోవడంతో శంకర్ బృందం షాక్‌కు గురైంది. అయన రచనలోని లోటుపాట్లను ఎవరూ పూడ్చలేరు.
Also Read: Aishwarya Rai: ఐశ్వర్య రాయ్, అభిషేక్ బచ్చన్ లు విడిపోయారా.. ఈ వీడియో చూస్తే అవుననే అంటారు.
అప్పటి నుండి శంకర్ ఆలోచనలు తారుమారయ్యాయి. సినిమాలు కూడా హిట్ అవడం లేదు. ఈ ఇద్దరి ప్రయాణం అద్భుతం. ముఖ్యంగా ఇంటర్వెల్స్ మరియు క్లైమాక్స్ ప్లాట్స్ డిజైన్ చేయడంలో సుజాత నైపుణ్యం బాగుండేది. వందకు పైగా నవలలు రాసిన అనుభవం, పలు పరిశ్రమల్లో అనుభవం ఆయనను మాస్టర్ రైటర్‌గా మార్చాయి. సుజాత మరణంతో శంకర్ కోలుకోలేకపోయారు. రాజమౌళి బలం విజయేంద్ర అయితే, శంకర్‌కి సుజాత రంగరాజన్.. అలాంటి ఆయుధం లేకపోవడం శంకర్ కి పెద్ద నష్టమే.