Chandrababu: తిరుపతి లడ్డూ వివాదం దేశవ్యాప్తంగా సంచలనం సృష్టిస్తున్న తరుణంలో, ఆంధ్రప్రదేశ్ రాజకీయాలు మరోసారి వేడెక్కుతున్నాయి. ప్రస్తుత ముఖ్యమంత్రి చంద్రబాబు నాయుడు, మాజీ ముఖ్యమంత్రి జగన్ మోహన్ రెడ్డిపై తీవ్ర విమర్శలు గుప్పించారు. చంద్రబాబు తన ప్రకటనలో, తన హయాంలో దేవాలయాలపై ఎలాంటి దాడులు జరగలేదని, అయితే జగన్ ప్రభుత్వ హయాంలో దేవాలయాలపై అనేక దాడులు జరిగినట్లు ఆరోపించారు.
Chandrababu Naidu’s Strong Criticism on Jagan
దేవాలయాలపై జరిగిన దాడులకు సంబంధించి దోషులను పట్టుకోవడంలో జగన్ ప్రభుత్వం నిర్లక్ష్యంగా వ్యవహరిస్తుందని ఆరోపించారు. “జగన్‌కు వెంకటేశ్వర స్వామిపై నిజంగా నమ్మకం ఉందా?” అని ప్రశ్నించిన చంద్రబాబు, “తిరుమలలో డిక్లరేషన్ ఇవ్వాల్సిన బాధ్యత జగన్ కు ఉందా?” అని నిలదీశారు. తిరుమలకు వెళ్లిన ప్రతి ఒక్కరూ తమ మతం, విశ్వాసాలను బట్టి డిక్లరేషన్ ఇవ్వాలనేది సంప్రదాయమని, జగన్ కూడా ఈ సంప్రదాయాన్ని పాటించాలని డిమాండ్ చేశారు.
Also Read: Devara: దేవర లో ఊహించని ట్విస్ట్.. ట్రిపుల్ రోల్.. ఎవరంటే?
“ప్రజలు జగన్ కు అధికారం ఇచ్చింది సంప్రదాయాలను విరుద్ధంగా పనిచేయడానికి కాదు” అని స్పష్టం చేసిన చంద్రబాబు, తిరుమల రథం కాలిపోయినప్పుడు జగన్ చేసిన వ్యాఖ్యలను ప్రస్తావిస్తూ, తిరుమలలో జరిగిన అగ్ని ప్రమాదంపై జగన్ ఎలా స్పందించారో ప్రశ్నించారు. “హిందువుల మనోభావాలను దెబ్బతీసినందుకు భగవంతుడికి అందరం క్షమాపణలు చెప్పాలి” అని ఆవేశంగా అన్నారు.
తిరుపతి లడ్డూ తయారీలో జంతువుల కొవ్వు వాడటాన్ని తీవ్రంగా ఖండించిన చంద్రబబు, ఇది హిందూ ధర్మంపై జగన్ ప్రభుత్వం చేస్తున్న దాడులకు నిదర్శనమని ఆరోపించారు. ఈ వివాదం నేపథ్యంలో, కేంద్ర ప్రభుత్వం తిరుమల లడ్డూ వివాదంపై ప్రత్యేక దర్యాప్తు బృందం (SIT) ఏర్పాటు చేయాలని నిర్ణయించింది. కొవ్వు సరఫరాపై వివరణ ఇవ్వాలని ఏఆర్ డెయిరీకి కేంద్ర ఆరోగ్య శాఖ నోటీసులు జారీ చేసింది.