NTR: యంగ్ టైగర్ ఎన్టీఆర్ చాలా కాలం తర్వాత ప్రేక్షకుల ముందుకు వస్తున్నారు. ఆరు ఏళ్ల తర్వాత, ‘దేవర పార్ట్ 1’తో సిల్వర్ స్క్రీన్‌పై కనిపించబోతున్నారు. ఈ సినిమాపై అభిమానుల్లో భారీ ఆసక్తి ఉంది. ‘దేవర’ తర్వాత ఎన్టీఆర్ వరుస సినిమాలతో అలరించబోతున్నారు. ‘వార్ 2’, ‘డ్రాగన్’, ‘దేవర పార్ట్ 2’ వంటి పాన్ ఇండియా సినిమాలతో ప్రేక్షకులను అలరించేందుకు సిద్ధమవుతున్నారు. ఈ సినిమాలు ఏడాదికి ఒకటి చొప్పున విడుదల చేయాలని ఎన్టీఆర్ ప్లాన్ చేస్తున్నారు.
NTR to Rule the Box Office Year After Year
ఇంతకుముందు ఎన్టీఆర్ సినిమాల మధ్య చాలా గ్యాప్ ఉండేది. కానీ ఇప్పుడు ఆయన వరుసగా సినిమాలు చేయాలని నిర్ణయించుకున్నారు. దీని వల్ల ఫ్యాన్స్‌కు ఎప్పటికప్పుడు కొత్త సినిమాలు చూసే అవకాశం లభిస్తుంది. అంతేకాకుండా, ఇండస్ట్రీలో పనిచేసే వారికి కూడా ఇది మంచి అవకాశం. ఎన్టీఆర్ తన కెరీర్‌ను మరింత ఎత్తుకు తీసుకెళ్లాలని కోరుకుంటున్నారు. ఈ కొత్త ప్లాన్ ద్వారా ఆయన తన లక్ష్యాన్ని చేరుకోవచ్చు అని ఆశిద్దాం.
Also Read: Sobhita Dhulipala: పెళ్లి ముచ్చట్లు చెప్పిన శోభితా.. మాములుగా ప్లాన్ చేయలేదుగా!!
హిందీలో తెరకెక్కుతున్న ‘వార్ 2’తో 2025 ఆగష్టు 15న తారక్ ప్రేక్షకుల ముందుకు రాబోతున్నారు. ప్రశాంత్ నీల్ దర్శకత్వంలో తెరకెక్కనున్న ‘డ్రాగన్’ మూవీని 2026లో విడుదల చేయాలనుకుంటున్నారు. ఈ సినిమా షూటింగ్‌ను వీలైనంత వేగంగా పూర్తి చేయాలని ఎన్టీఆర్ ప్రయత్నిస్తున్నారు. అదే విధంగా, వచ్చే ఏడాదిలోనే ‘దేవర పార్ట్ 2’ షూటింగ్ ప్రారంభించి 2027లో విడుదల చేయాలని భావిస్తున్నారు. ఆ తర్వాత, వీలున్నంత త్వరగా వెట్రిమారన్‌తో సినిమా చేయాలని ఎన్టీఆర్ ప్లాన్ చేస్తున్నట్లు ప్రచారం జరుగుతోంది.