Johnny Master: ప్రముఖ కొరియోగ్రాఫర్ జానీ మాస్టర్‌పై లైంగిక వేధింపుల ఆరోపణలు ఆమధ్య చర్చనీయాంశమయ్యాయి. ఓ మహిళా కొరియోగ్రాఫర్ జానీ మాస్టర్ తనను లైంగికంగా వేధించాడని, అలాగే మతం మార్చుకోవాలని బలవంతం చేశాడని పోలీసులకు ఫిర్యాదు చేసింది. ఈ ఫిర్యాదు నేపథ్యంలో పోలీసులు కేసు నమోదు చేసి జానీ మాస్టర్‌ను అరెస్ట్ చేశారు.
Johnny Master to Attend National Awards Ceremony
జైలులో ఉన్న జానీ మాస్టర్, తాజాగా పోలీసుల విచారణలో పాల్గొని తనపై వచ్చిన ఆరోపణలు అబద్ధమని తెలిపాడు. బెయిల్ కోసం కోర్టును ఆశ్రయించిన జానీ మాస్టర్‌కు రంగారెడ్డి జిల్లా కోర్టు మధ్యంతర బెయిల్ మంజూరు చేసింది. నేషనల్ అవార్డు ప్రకటించిన నేపథ్యంలో, జానీ మాస్టర్ ఆ అవార్డును అందుకోవడానికి బెయిల్ మంజూరు చేయబడింది. ఈ నెల 6 నుంచి 10 వరకు జానీ మాస్టర్ బెయిల్‌పై బయట ఉండవచ్చు.
Also Read: Devara Breaks Records: దేవర ను కాపాడిన అనిరుధ్.. లేదంటే ఆచార్య గతే!!
ఇటీవల ప్రకటించిన నేషనల్ అవార్డుల్లో జానీ మాస్టర్‌కు గొప్ప గౌరవం లభించింది. తమిళ చిత్రం ‘తిరుచిత్రంబళం’లోని ‘మేఘం కరుకత’ పాటకు ఉత్తమ నృత్యదర్శకుడిగా జాతీయ అవార్డు పొందారు. జానీ మాస్టర్‌తో పాటు సతీష్ కృష్ణన్ కూడా కొరియోగ్రాఫర్‌గా వ్యవహరించారు, వీరిద్దరూ కలిసి ఈ అవార్డును అందుకోనున్నారు.
జానీ మాస్టర్‌పై లైంగిక వేధింపుల కేసు విచారణ కొనసాగుతున్న సమయంలో, ఈ అవార్డు ఆయనకు కొంత ఊరటనిచ్చింది. అయితే, ఈ కేసులో తన నిర్దోషిత్వాన్ని నిరూపించుకోవడానికి ఇంకా చాలా దూరం ప్రయాణించాల్సి ఉందని చెప్పవచ్చు.