Ravi Teja: మాస్ మహారాజా రవితేజా వరుసగా సినిమాలు చేసే హీరోల్లో ఒకరు. ఫలితం ఎలా ఉన్నా, తన సినిమా ప్రయాణాన్ని ఆపకుండా ముందుకు సాగుతుంటారు. 2022లో వచ్చిన ‘ధమాకా’ ఆయనకు మంచి విజయాన్ని అందించింది. అయితే, ఆ తర్వాత ‘వాల్తేరు వీరయ్య’ వంటి భారీ చిత్రంలో నటించినా, ఆ సినిమా విజయాన్ని చిరంజీవి ఖాతాలోనే వేసుకోవాల్సి వచ్చింది. ‘ధమాకా’ తర్వాత వచ్చిన ‘రవణాసుర,’ ‘టైగర్ నాగేశ్వరరావు,’ ‘ఈగల్,’ ‘మిస్టర్ బచ్చన్’ వంటి సినిమాలు రవితేజాను ఆశించిన ఫలితాలు ఇవ్వకపోవడం గమనార్హం.
Ravi Teja Teams Up with Tamil Director Sundar C
ఇటీవల ‘ఆర్టీ 75’ సినిమా షూటింగ్‌లో గాయపడిన రవితేజా, వైద్యుల సలహా మేరకు కొన్ని వారాలుగా విశ్రాంతి తీసుకుంటున్నారు. ఈ సమయంలో ఆయన కొత్త కథలు వింటున్నారని, వాటిలో కొన్ని కథలు ఆయనకు నచ్చినట్లు సమాచారం. తమిళ ప్రముఖ దర్శకుడు సుందర్ సి కూడా రవితేజాకు ఒక కథ చెప్పారని, అది రవితేజాకు బాగా నచ్చిందని తెలుస్తోంది. త్వరలోనే ఈ ప్రాజెక్ట్‌పై నిర్ణయం తీసుకుంటారని సినీ వర్గాల్లో చర్చలు జరుగుతున్నాయి.
Also Read: Ratan Tata: అనారోగ్యం పాలైన దిగ్గజ సంస్థ టాటా గ్రూప్ రతన్ టాటా
సుందర్ సి, తమిళంలో ప్రఖ్యాత దర్శకుడుగా పేరు పొందినప్పటికీ, ఇటీవల కాలంలో ఆయన ట్రాక్ రికార్డ్ అంతగానే ఉంది. ‘అరణ్మనై’ సిరీస్ తప్ప, మరే సినిమాతోనూ పెద్దగా విజయాలను సాధించలేకపోయారు. రవితేజా, సుందర్ సి దర్శకత్వంలో సినిమా చేయడాన్ని ఒక రిస్క్‌గా చూడవచ్చు.
‘ఆర్టీ 75’ చిత్రానికి భాను భోగవరపు దర్శకత్వం వహిస్తున్నారు. ఈ చిత్రాన్ని సితార ఎంటర్‌టైన్‌మెంట్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్నాయి. 2025లో ఈ సినిమా ప్రేక్షకుల ముందుకు రానుంది, తదుపరి రవితేజా సినిమా కోసం అభిమానులు ఆసక్తిగా ఎదురు చూస్తున్నారు.