Nagarjuna: సమంతపై మంత్రి కొండా సురేఖ చేసిన అనుచిత వ్యాఖ్యల వివాదం మరింత తీవ్రమవుతోంది. ఈ వ్యాఖ్యలపై అక్కినేని నాగార్జున దాఖలు చేసిన పరువు నష్టం దావా, నాంపల్లి కోర్టులో విచారణకు వచ్చింది. సోమవారం నాడు, ఈ కేసు విచారణ సందర్భంగా నాగార్జునతో పాటు ఆయన భార్య అమల, కుమారుడు నాగచైతన్య, సుప్రియ, వెంకటేశ్వర్లు కోర్టుకు హాజరయ్యారు.
Nagarjuna Files Defamation Case Against Minister Konda Surekha
కోర్టు ముందు నాగార్జున, తన కుటుంబం ఎప్పటినుంచో మంచి పేరును సంపాదించుకుందని, సురేఖ చేసిన వ్యాఖ్యల వల్ల కుటుంబ సభ్యులు తీవ్ర మానసిక ఒత్తిడికి గురయ్యారని తెలిపారు. ఆమె చేసిన ఆరోపణలు పూర్తిగా అసత్యమని, రాజకీయ కక్షసాధింపు కోణంలోనే ఈ వ్యాఖ్యలు చేశారని నాగార్జున స్పష్టంగా పేర్కొన్నారు. మీడియా ఛానెళ్లలో, పత్రికల్లో ఈ వ్యాఖ్యలు విస్తృతంగా ప్రచురించబడటంతో తన కుటుంబ గౌరవం దెబ్బతిందని, మానసికంగా ఎంతో బాధ పడ్డామని ఆయన వాంగ్మూలంలో తెలిపారు.
Also Read: Devara: ఓటీటీలోకి ఎన్టీఆర్ ‘దేవర’.. ఎప్పుడు.. ఎందులో వస్తుందంటే!!
సురేఖ వ్యాఖ్యలు సినీ మరియు రాజకీయ వర్గాల్లో తీవ్ర నిరసనకు దారితీశాయి. పలువురు సినీ ప్రముఖులు ఆమె వ్యాఖ్యలను ఖండించగా, బీఆర్ఎస్ వర్కింగ్ ప్రెసిడెంట్ కేటీఆర్ సైతం సురేఖకు లీగల్ నోటీసులు పంపించారు. ఈ వివాదం ప్రస్తుతం కొత్త మలుపులు తిరుగుతూ, సర్వత్రా చర్చనీయాంశమవుతోంది.
కోర్టు ఈ కేసు విచారణను అక్టోబర్ 10కి వాయిదా వేసింది. ఆ రోజు మరో సాక్షి వెంకటేశ్వర్లు కోర్టుకు హాజరై వాంగ్మూలం ఇవ్వనున్నారు. ఈ కేసు తుదివిజయం ఏ విధంగా ఉంటుందన్న ఉత్కంఠ, సినీ, రాజకీయ వర్గాల్లో గట్టిగా వ్యక్తమవుతోంది.