Anushka Shetty: స్వీటీ అనుష్క శెట్టి మరియు క్రియేటివ్ డైరెక్టర్ క్రిష్ జాగర్లమూడి కాంబినేషన్లో రూపొందుతున్న “ఘాటీ” సినిమా పాన్ ఇండియా ప్రాజెక్ట్‌గా ప్రేక్షకుల ముందుకు రానుంది. యువి క్రియేషన్స్ సమర్పణలో రాజీవ్ రెడ్డి మరియు సాయి బాబు జాగర్లమూడి నిర్మాణంలో రూపొందుతున్న ఈ చిత్రంలో అనుష్క మరియు క్రిష్ మరోసారి కలిసి పనిచేస్తున్నారు. “వేదం” సినిమా తర్వాత వీరిద్దరి కాంబినేషన్లో ఇది రెండవ సినిమా కాగా, యువి క్రియేషన్స్ బ్యానర్లో అనుష్క నటిస్తున్న నాలుగో సినిమా కూడా ఇదే.
Anushka Shetty Intense Look in Ghaati
అనుష్క పుట్టినరోజు సందర్భంగా “ఘాటీ” సినిమా ఫస్ట్ లుక్ పోస్టర్ విడుదల చేశారు. ఈ పోస్టర్లో అనుష్క ఒక అద్భుతమైన కొత్త లుక్‌లో కనిపిస్తున్నారు. నుదుటిపై బొట్టు, చేతిలో బంగా, తల, చేతుల నుంచి రక్తం కారుతున్న వైనంలో ఆమె చాలా ఇంటెన్స్ గా కనిపిస్తున్నారు. ఆమె కళ్ళలోని కన్నీళ్లు మరియు ముక్కుకు రెండు రింగుల్లతో ఆమె పాత్రలో ఉన్న తీవ్రత స్పష్టంగా కనిపిస్తోంది. ఈ పోస్టర్ అనుష్క పాత్రపై ఉన్న ఆసక్తిని మరింత పెంచుతుంది.
Also Read: Chiranjeevi: ఆ హీరోయిన్ అంటే తెగ భయపడిపోయిన చిరంజీవి!!
ఫస్ట్ లుక్ పోస్టర్ చూస్తే, “ఘాటీ” సినిమా యాక్షన్ థ్రిల్లర్‌గా తెరకెక్కుతున్నట్లు తెలుస్తోంది. క్రిష్ దర్శకత్వంలో అనుష్కను ఈ సినిమా లో పూర్తిగా కొత్తగా, ఇప్పటి వరకు ఎప్పుడూ చూడని విధంగా చూపించే ఉద్దేశంతో ఉన్నారు. ప్రస్తుతం సినిమా చిత్రీకరణ చివరి దశలో ఉంది. ఈరోజు సాయంత్రం 4:05 గంటలకు “ఘాటీ” సినిమా గ్లింప్స్‌ను విడుదల చేయనున్నారు.
ఈ సినిమాకు మనోజ్ రెడ్డి కటసాని సినిమాటోగ్రఫీ అందిస్తున్నారు, నాగవెల్లి విద్యాసాగర్ సంగీతాన్ని సమకూరుస్తున్నారు. తోట తరణి ఆర్ట్ డైరెక్టర్‌గా, చాణక్య రెడ్డి తూరుపు ఎడిటర్‌గా పని చేస్తున్నారు. చింతకింది శ్రీనివాస్ రావు కథ అందించగా, సాయి మాధవ్ బుర్రా డైలాగులు రాశారు. భారీ బడ్జెట్‌తో, అత్యున్నత సాంకేతిక ప్రమాణాలతో నిర్మిస్తున్న ఈ సినిమా త్వరలో తెలుగు, తమిళ, కన్నడ, మలయాళ మరియు హిందీ భాషల్లో విడుదల కానుంది.