Balakrishna and Suriya: నందమూరి బాలకృష్ణ హోస్ట్‌గా వ్యవహరిస్తున్న “అన్‌స్టాపబుల్” టాక్ షో ప్రస్తుతం ఓటీటీలో సూపర్ హిట్‌గా మారింది. నాలుగో సీజన్‌లో ఈ షోలో ప్రత్యేక అతిథిగా ఆంధ్రప్రదేశ్ ముఖ్యమంత్రి చంద్రబాబు నాయుడు పాల్గొన్నారు. ఈ ఎపిసోడ్‌లో బాలయ్య, చంద్రబాబు కలిసి సరదాగా పంచ్‌లు విసిరుతూ, తనదైన హాస్యంతో ఆడియన్స్‌ను కట్టిపడేస్తున్నారు. ఇప్పటికే మూడు సీజన్లను విజయవంతంగా పూర్తి చేసుకున్న ఈ షో, నాలుగో సీజన్‌లోనూ ప్రేక్షకుల మనసులు దోచుకోవడం కొనసాగిస్తోంది. రెండో ఎపిసోడ్‌లో లక్కీ భాస్కర్, హీరో దుల్కర్ సల్మాన్ పాల్గొని, ఆ తర్వాత “కంగువ” టీమ్ కూడా సందడి చేసింది.
Balakrishna and Suriya Best Moments from Unstoppable
తాజాగా విడుదలైన ప్రోమోలో బాలకృష్ణ, తమిళ హీరో సూర్యతో కలిసి సందడి చేశారు. “నువ్వు సింగం అయితే, నేను సింహాం” అంటూ బాలయ్య సరదాగా అన్నారు. ఇందులో చమత్కారంగా మాట్లాడుతూ, “నేను లెజెండ్ అయితే, నువ్వు గజినీ, నేను అఖండ అయితే, నువ్వు రోలెక్స్” అంటూ సూర్య సినిమాలను ప్రస్తావిస్తూ పంచ్‌లు విసిరారు. సూర్య తన సినిమా “గజినీ” గురించి, తమ్ముడు కార్తి తో ఉన్న అనుబంధం, గొడవల గురించి సరదాగా మాట్లాడారు, ఇది ఆడియన్స్‌ను నవ్విస్తోంది.
Also Read: Prabhas Viral Drinking Photo: బహిరంగంగా మందు తాగుతున్న ప్రభాస్.. వైరల్ అవుతున్న వీడియో!!
బాలకృష్ణ, సూర్యను ఫస్ట్ క్రష్ గురించి కూడా అడిగి ఆసక్తికరమైన సంభాషణలు జరిపారు. కార్తి గురించి మాట్లాడే సమయంలో, “ముఖం పగలకొడతా” అని సరదాగా వ్యాఖ్యానించారు. సూర్య తన సీక్రెట్స్ ఎవరితో షేర్ చేసుకుంటారనే ప్రశ్నకు “జ్యోతిక లేకుండా తన జీవితాన్ని ఊహించుకోలేను” అని సమాధానమిచ్చారు. ఈ క్రమంలో, ఒక యువతి సూర్యకు సాయం చేసిన సందర్భంలో ఆమె చెప్పిన మాటలను వీడియో రూపంలో చూపించారు. ఆ యువతి మాటలు వింటూ సూర్య ఎమోషనల్ అయ్యారు.
ఈ ప్రోమోలో, అగరం ఫౌండేషన్ సేవలకు సంబంధించిన ఒక వీడియోను కూడా ప్రదర్శించారు. ఈ వీడియో చూసి బాలకృష్ణ, సూర్య కంటిలో కన్నీళ్లు పెట్టుకున్నారు. ఈ ప్రత్యేక ఎపిసోడ్ నవంబర్ 8న ఆహా యాప్‌లో స్ట్రీమింగ్ కానుంది. బాలయ్య, సూర్య వారి ప్రత్యేక అనుబంధం, వినోదం మరియు భావోద్వేగ క్షణాలను పంచుకునే ఈ కార్యక్రమం ప్రేక్షకులకు మరింత ఆనందాన్ని అందించబోతుంది.