Balakrishna: నందమూరి బాలకృష్ణ ఇటీవల భగవంత్ కేసరి సినిమాతో బ్లాక్ బస్టర్ విజయాన్ని అందుకున్నాడు. ఈ విజయంతో అభిమానుల్లో బాలయ్యపై ఉన్న ఆదరణ మరింత పెరిగింది. ఇప్పుడు అభిమానులను మరింత ఉత్సాహపరుస్తూ ఆయన #NBK109 సినిమాతో ప్రేక్షకుల ముందుకు రాబోతున్నాడు. ఈ చిత్రానికి బాబీ కొల్లి (కె.ఎస్. రవీంద్ర) దర్శకత్వం వహిస్తున్నారు. ఇప్పటికే విడుదలైన స్టైలిష్ లుక్ పోస్టర్లు, గ్లింప్స్ ద్వారా బాలయ్య అభిమానులను ఉర్రూతలూగిస్తూ, సినిమాపై భారీ అంచనాలను సృష్టించాయి. ఈ సినిమాలో బాలకృష్ణ నటన, యాక్షన్ ఎపిసోడ్లు మునుపటి సినిమాలకంటే కొత్తగా ఉంటాయని ఊహగానాలున్నాయి.
Balakrishna Teams Up with Director Bobby Kolli
ఈ సినిమాకు ఓ మంచి టైటిల్ ఎంపిక చేయడం చిత్రబృందం ముందున్న ముఖ్య కర్తవ్యం. ఇటీవల “అసురుడు,” “వీర మాస్” వంటి అనేక టైటిళ్లు పరిశీలనలో ఉన్నాయన్న వార్తలు వచ్చాయి. తాజాగా అందిన సమాచారం ప్రకారం, “దాకూ మహారాజ్,” “సర్కార్ సీతారామ్,” మరియు “అసురుడు” అనే మూడు టైటిళ్లను చిత్రబృందం నిశితంగా పరిశీలిస్తోందత. దీపావళికి టైటిల్ టీజర్ విడుదల చేయాలని యూనిట్ భావించింది. అయితే, గ్రాఫిక్స్ పనులు ఆలస్యం కావడంతో ఈ ప్రకటన నవంబర్ రెండవ వారానికి వాయిదా పడింది అని నిర్మాత నాగ వంశీ తెలిపారు.
Also Read: Pushpa-2: పుష్ప-2 ఐటెం సాంగ్ లో స్టార్ హీరోయిన్.. విజిల్స్ తో థియేటర్లు దద్దరిల్లాల్సిందే.?
అభిమానులు “సర్కార్ సీతారామ్,” “దాకూ మహారాజ్” వంటి టైటిళ్లపై మొగ్గు చూపుతుండగా, కొన్ని వర్గాలు “దాకూ మహారాజ్” అనే పేరు బాలకృష్ణ పాత్రకు బాగా సరిపోతుందని భావిస్తున్నాయి. ఈ టైటిల్ లో ఒక ప్రత్యేకమైన శక్తి ఉందని, అది ప్రేక్షకులను మరింతగా ఆకర్షించేలా చేస్తుందని పలువురు విశ్లేషిస్తున్నారు. బాలయ్య నటనకు, పాత్ర బలానికి సరిపోయేలా ఉన్న ఈ టైటిల్ ప్రేక్షకుల మనసు గెలుచుకుంటుందని, ఇలాంటి టైటిళ్లు బాలకృష్ణ గత సినిమాలకు విజయాన్ని తెచ్చిపెట్టాయని ఫ్యాన్స్ ఆశాభావంతో ఉన్నారు.
ఈ #NBK109 సినిమాపై అభిమానుల అంచనాలు ఎంతగానో పెరిగాయి. బాలకృష్ణ, బాబీ కొల్లి కాంబినేషన్ లో వస్తున్న ఈ చిత్రం బాలకృష్ణ అభిమానులకు పండగలా మారుతుందనే నమ్మకంతో ఉన్నారు. భారీ యాక్షన్ సన్నివేశాలు, బాలయ్య మాస్ స్టైల్ ప్రదర్శనతో ఈ సినిమా ప్రేక్షకులను థియేటర్లకు రప్పించేలా ఉంటుందని అభిమానులు, సినీ పరిశ్రమ విశ్లేషకులు అభిప్రాయపడుతున్నారు.