Tollywood: టాలీవుడ్‌లో స్టార్ హీరోల డిమాండ్ గణనీయంగా పెరిగింది. ఒక్కో హీరో ఒకేసారి మూడు లేదా నాలుగు సినిమాలకు సైన్ చేస్తున్నారు. దీంతో దర్శకులు వారి డేట్స్ పొందడం చాలా కష్టంగా మారింది. ముఖ్యంగా త్రివిక్రమ్, కొరటాల శివ, సుకుమార్ వంటి టాప్ డైరెక్టర్లకు స్టార్ హీరోల డేట్స్ దొరకడం మరింత కష్టం అవుతుంది. ఇది ప్రధానంగా హీరోలు పాన్ ఇండియా సినిమాలపై దృష్టి సారించడం వల్ల జరుగుతోంది.
Challenges Faced by Directors in Tollywood
పాన్ ఇండియా చిత్రాలను రూపొందించడానికి కనీసం రెండేళ్లు సమయం పడుతుంది, అందువల్ల ఈ సమయంలో హీరోలు వేరే ప్రాజెక్టుల్లో పాల్గొనడం కష్టంగా ఉంటుంది. దాంతో, దర్శకులు తమ ప్రాజెక్టులకు హీరోలతో చేయడానికి వేచి చూడాల్సి వస్తోంది. ‘గుంటూరు కారం’ చిత్రం తర్వాత త్రివిక్రమ్, అల్లు అర్జున్‌తో మరో సినిమా చేయాలనుకుంటున్నారు. అయితే, అల్లు అర్జున్ ‘పుష్ప 2’తో బిజీగా ఉన్నారు, అందువల్ల త్రివిక్రమ్ తన చిత్రం ప్రారంభించేందుకు కనీసం మరికొన్ని నెలలు ఎదురుచూడాలి.
Also Read: Revanth Reddy: తెలంగాణ వరద భాదితులకు గుడ్ న్యూస్.. ప్రతి ఇంటికి!!
కొరటాల శివ కూడా ఎన్టీఆర్‌తో ‘దేవర 2’ చేయాలనుకున్నారు, కానీ ఎన్టీఆర్ ఇతర ప్రాజెక్టులలో ఉన్నారు. అందుకనే కొరటాల వేరే హీరోతో సినిమా చేయాలని ప్లాన్ చేస్తున్నారు. అలాగే, సుకుమార్ ‘పుష్ప 2’ తర్వాత రాంచరణ్‌తో సినిమా చేయాలని ఉన్నారు.కానీ చరణ్ వెంటనే దొరికే పరిస్థితిలో లేడు. ఈ పరిస్థితులు దర్శకులకు ఇబ్బందులు కలిగిస్తున్నాయి. కొత్త కథలు రాసుకున్నా, హీరోలు అందుబాటులో లేక పోవడం వల్ల సినిమా మొదలుపేట్టలేక పోతున్నారు. దీంతో ఈ దర్శకులు ఇతరభాష, నెక్స్ట్ కేటగిరి హీరోలతో సినిమాలు చేసే ఆలోచనలో వారు ఉన్నట్లు తెలుస్తుంది.