BRS Government Scandals: తెలంగాణ రాష్ట్రంలో ప్రస్తుతం రాజకీయ వాతావరణం తీవ్ర ఉత్కంఠగా మారింది. బీఆర్ఎస్ ప్రభుత్వ హయాంలో జరిగిన అనేక కుంభకోణాలపై విచారణలు సాగుతుండటంతో రాష్ట్రంలో రాజకీయ ఒత్తిడి మరింతగా పెరుగుతోంది. కాంగ్రెస్ పార్టీ అధికారంలోకి వచ్చిన వెంటనే బీఆర్ఎస్ పాలనలో జరిగిన అనేక అవినీతి చర్యలపై విస్తృత స్థాయిలో విచారణకు ఆదేశించడంతో ఈ పరిస్థితి ఏర్పడింది. దీంతో రెండు ప్రధాన పార్టీల మధ్య విమర్శలు, ఆరోపణల పరంపర కొనసాగుతోంది.
Congress Investigates BRS Government Scandals
కాంగ్రెస్ పార్టీ బీఆర్ఎస్ పాలనలో జరిగిన ప్రధాన వివాదాస్పద అంశాలపై దృష్టి సారించింది. ముఖ్యంగా కాళేశ్వరం ప్రాజెక్టు, విద్యుత్ కొనుగోళ్లు, ధరణి పోర్టల్, గొర్రెల పంపిణీ, ఫోన్ ట్యాపింగ్, ఫార్ములా ఈ-రేస్ వంటి వివిధ అంశాలు ఈ విచారణలలో భాగంగా ఉన్నాయి. ఈ విచారణల వల్ల బీఆర్ఎస్ పార్టీకి చెందిన పలువురు నేతలు అక్రమార్కులుగా తేలే అవకాశం ఉందనే ఊహాగానాలు వినిపిస్తున్నాయి. ఈ అంశాలు ప్రజల్లోనూ ఆసక్తి రేకెత్తిస్తుండటంతో, ప్రతిపక్షాలు ప్రజాస్వామ్యంలో అవినీతిని నిర్మూలించాలనే నినాదంతో ఉద్యమాలు చేపడుతున్నాయి.
Also Read: Payal Rajput: ప్రేమలో పడ్డ పాయల్ రాజ్ పుత్.. ఇంతకీ అతగాడెవరో?
కాళేశ్వరం ప్రాజెక్టు విషయంలో భారీ ఎత్తున అవినీతి జరిగిందని విచారణలో తేలింది. ప్రాజెక్టు నిర్మాణంలో ఇంజనీర్లు, అధికారులు తమ ఉన్నతాధికారుల ఆదేశాల మేరకు అక్రమాలకు పాల్పడినట్లు సాక్ష్యాలు బయటపడుతున్నాయి. ఈ ప్రాజెక్టులో జరిగిన అవినీతికి సంబంధించి బాధ్యులెవరు అన్న ప్రశ్నపై ప్రజల్లో తీవ్ర ఆగ్రహం వ్యక్తమవుతోంది. మరియూ విద్యుత్ కొనుగోళ్ల విషయంలో, ముఖ్యంగా ఛత్తీస్‌గఢ్ నుంచి విద్యుత్ కొనుగోలు ప్రక్రియలో అక్రమాలు జరిగి భారీగా అవినీతి జరిగిందని ఆరోపణలు ఉన్నాయి.
ధరణి పోర్టల్ విషయంలో కూడా భూముల అక్రమ స్వాధీనం ఆరోపణలు బీఆర్ఎస్ నేతలపై వెల్లువెత్తుతున్నాయి. అసైన్డ్ భూములు, దేవాలయ భూములు, ప్రభుత్వ భూములను అక్రమంగా స్వాధీనం చేసుకున్నారనే ఆరోపణలు ప్రజలలో కలవరం రేపుతున్నాయి. అదనంగా ఫోన్ ట్యాపింగ్ విషయంలో కూడా ప్రతిపక్ష నేతలు, సినీ ప్రముఖులు, వ్యాపార ప్రముఖుల ఫోన్లు చట్టవిరుద్ధంగా ట్యాప్ చేయించారని, వారిని బ్లాక్‌మెయిల్ చేశారని ప్రతిపక్షాల నుంచి ఆరోపణలు వినిపిస్తున్నాయి.
ఈ విచారణల కారణంగా బీఆర్ఎస్ పార్టీపై తీవ్ర విమర్శలు వెల్లువెత్తుతున్నాయి. ఈ ఆరోపణలపై బీఆర్ఎస్ నేతలు తమపై తప్పుడు ఆరోపణలు చేస్తున్నారని, వాటిని పూర్తిగా తోసిపుచ్చుతున్నారు. రాష్ట్రంలో నెలకొన్న ఈ రాజకీయ పరిణామాలు ఎటువంటి మలుపు తిరుగుతాయో, ప్రజాభిప్రాయంలో ఎలాంటి మార్పులు తలెత్తుతాయో వేచి చూడాల్సిన అంశంగా మారింది.