Raghava Lawrence: కొన్ని వారాల క్రితం రాఘవ లారెన్స్ తన 25వ చిత్రానికి సంబంధించిన ప్రకటన చేయడం అభిమానుల్లో ఆనందం, అంచనాలు నిండిపోయాయి. ఈ సినిమాకి రమేష్ వర్మ పెన్మెత్స దర్శకత్వం వహిస్తున్నారు. మొదట ఈ సినిమాను బాలీవుడ్ హిట్ చిత్రం “కిల్”కు రీమేక్ గా భావించినప్పటికీ, ఇది నిజం కాదని చిత్రబృందం స్పష్టం చేసింది. అసలు కథాంశం భిన్నంగా ఉంటుందని, ప్రేక్షకులకు వినూత్న అనుభూతిని అందించడమే లక్ష్యమని చిత్ర యూనిట్ వెల్లడించింది.
First Look of Raghava Lawrence Kaal Bhairava
“కాళ భైరవ” అనే పవర్ఫుల్ టైటిల్ తో ఈ సినిమా సూపర్ హీరో కథాంశంతో రూపొందుతోంది. ఈ మధ్య విడుదలైన ఫస్ట్ లుక్ పోస్టర్‌లో రఘవ లారెన్స్ గంభీరమైన రూపంలో కనిపించడంతో సినిమాపై అంచనాలు మరింత పెరిగాయి. భారతీయ సూపర్ హీరో పాత్రలో రఘవ లారెన్స్ కనిపించనుండటంతో అభిమానులు ఈ చిత్రాన్ని ఎంతో ఆసక్తిగా ఎదురుచూస్తున్నారు. సరికొత్త కథా విధానంతో, విభిన్న స్థాయిలో ఈ సినిమా పాన్-ఇండియా స్థాయిలో విడుదల కానుంది.
Also Read: Satyadev and Vishwak Sen: విశ్వక్ సేన్ తో పోటీపడుతున్న సత్యదేవ్.. మారిన జీబ్రా విడుదల తేదీ!!
ఈ చిత్రాన్ని ఎ స్టూడియోస్ LLP, గోల్డ్ మైన్స్, నీలాద్రి ప్రొడక్షన్స్ సంయుక్తంగా నిర్మించాయి. నవంబర్ 2024లో చిత్రీకరణ ప్రారంభమవుతుందని, 2025 వేసవిలో ప్రేక్షకుల ముందుకు తీసుకురావాలని చిత్రబృందం భావిస్తోంది. అద్భుతమైన విజువల్ ఎఫెక్ట్స్, వినూత్న టెక్నాలజీతో ఈ సినిమాను తీర్చిదిద్దనున్నారు. ప్రత్యేకమైన విజువల్స్ మరియు గ్రాఫిక్స్ తో పాటు అధునాతన టెక్నాలజీ వాడకం ఈ సినిమాకు విశేషమైన ఆకర్షణగా నిలుస్తుంది.
ఈ సినిమా రాఘవ లారెన్స్ కెరీర్ లో ప్రత్యేక మైలురాయిగా నిలవనుంది. 25వ చిత్రంగా ఆయనకు ఇదో మేజర్ అచీవ్‌మెంట్ గా చెప్పుకోవచ్చు. సూపర్ హీరో పాత్రలో రఘవ లారెన్స్ తన నటనతో, ఫైట్స్ తో ప్రేక్షకులను ఎంతగానో ఆకట్టుకుంటారని అభిమానులు ఆశాభావంతో ఉన్నారు. గత చిత్రాల విజయాలను కొనసాగిస్తూ, ఈ సినిమాతో ఆయన తనకే స్వంతమైన ఒక సూపర్ హీరో యూనివర్స్‌ను సృష్టించే అవకాశం ఉందని సినీ విశ్లేషకులు భావిస్తున్నారు.