Hrithik Roshan: హాలీవుడ్ నుంచి స్ఫూర్తి పొంది, క్రిష్, ధూమ్, రేస్ వంటి సినిమాలతో బాలీవుడ్ ఎన్నో విజయాలను సాధించింది. కానీ ఇప్పుడు బాలీవుడ్ కథల్లో కొత్తదనం లేదనే విమర్శలు వస్తున్నాయి. స్టార్ హీరోలు కొత్త కథలను కాదని, ఎక్కువగా రీమేక్‌లపై ఆధారపడుతున్నారని, అందువల్ల బాలీవుడ్ మరింతగా కథలపై పనిచేయాల్సిన అవసరం ఉండనే అభిప్రాయాలూ వెలువడుతున్నాయి.
Hrithik Roshan to Star in ‘I Am Legend’ Remake
ఈ నేపథ్యంలో, ప్రముఖ హీరో హృతిక్ రోషన్ “ఐ యామ్ లెజెండ్” అనే హాలీవుడ్ హిట్ సినిమాను రీమేక్ చేయబోతున్నారనే వార్తలు హల్‌చల్ చేస్తున్నాయి. రెండు దశాబ్దాల క్రితం విడుదలైన ఈ సినిమాలో విల్ స్మిత్, మానవ జీవితం కోసం చేసే ప్రాణాంతక పోరాటాన్ని అద్భుతంగా ప్రతిబింబించారు. సినిమా కథ ప్రకారం, వైరస్ సోకిన ఓ ప్రాంతంలో ప్రజలు వికృత రూపాలలోకి మారిపోతారు. అక్కడ నుంచి సురక్షితంగా బయటపడే ప్రయత్నాలే ప్రధాన అంశంగా నిలుస్తాయి.
Also Read: Pawan Kalyan: హోమ్ మంత్రి వంగలపూడి అనిత ని పదవినుండి తప్పించే ప్రణాళికలో పవన్?
ఈ తరహా జాంబీ కథను హృతిక్ ఎందుకు ఎంచుకున్నారో అని సందేహాలు వ్యక్తమవుతున్నాయి. అభిమానులు అతని నుంచి కొత్త కథలు కోరుతుండగా, “క్రిష్ 4” వంటి సూపర్ హీరో చిత్రాలపైనే దృష్టి పెట్టాలని వారు సూచిస్తున్నారు. ఈ రీమేక్‌కు కబీర్ ఖాన్ దర్శకత్వం వహించనున్నట్లు ప్రచారం జరుగుతోంది, కానీ ఇంకా అధికారికంగా ఎలాంటి ప్రకటన వెలువడలేదు.
ఇటీవల అక్షయ్ కుమార్, అమీర్ ఖాన్ వంటి స్టార్ హీరోలు రీమేక్ చిత్రాలతో నిరాశ చెందడం గమనార్హం. ఈ క్రమంలో, హృతిక్ రీమేక్ విషయంలో జాగ్రత్తగా ఉండాలని సినీ విశ్లేషకులు సూచిస్తున్నారు.ఇకపోతే ఇప్పుడు హ్రితిక్ ఎన్టీఆర్ తో కలిసి వార్ 2 సినిమా చేయబోతున్నాడు. వచ్చే వేసవిలో ఈ సినిమా విడుదల కాబోతుడ్ని.