IPL 2025: ఐపీఎల్ 2025 మెగా వేలం త్వరలో జరగనుంది, దీనికి అటు అభిమానులు అటు క్రికెట్ పండితులు ఎంతో ఆసక్తిగా ఎదురు చూస్తున్నారు. ఈ వేలంలో రిషబ్ పంత్ వంటి స్టార్ ఆటగాళ్లను కోట్ల రూపాయలకు అమ్ముడుపోయే అవకాశాలు ఉన్నాయి. ముఖ్యంగా, భారత వికెట్ కీపర్-బ్యాట్స్‌మెన్ రిషబ్ పంత్ భారీ ధర పలకనున్నాడని అంచనా వేస్తున్నారు.
IPL 2025: Rishabh Pant Expected to Fetch Over 50 Crores
దిల్లీ క్యాపిటల్స్ జట్టు గతంలో పంత్‌ను రిటైన్ చేయకపోవడంతో, పంత్ ఈ సీజన్‌లో కొత్త జట్టుకు ఆడనున్నాడు. ఫ్రాంచైజీ యాజమాన్యం మరియు పంత్ మధ్య డబ్బు విషయంలో ఏకాభిప్రాయం రాకపోవడం వల్ల ఈ నిర్ణయం తీసుకున్నారని తెలుస్తోంది. అందువల్ల, అభిమానులు పంత్ ఏ జట్టుకు చేరుకుంటాడో, అతని ధర ఎంతగా ఉంటుందో తెలుసుకోవాలనుకుంటున్నారు.
Also Read: Hrithik Roshan: హాలీవుడ్ రీమేక్ చేయబోతున్న హృతిక్ రోషన్.. చేతులు కాల్చుకుంటాడా?
ఇటీవల న్యూజిలాండ్‌తో జరిగిన టెస్ట్ సిరీస్‌లో పంత్ అద్భుతమైన ఆటను ప్రదర్శించాడు. ముంబై టెస్టులో కష్టతరమైన పిచ్‌పై రెండు ఇన్నింగ్స్‌లలో మంచి ఆటను కనపరిచాడు. ఇది అందరినీ ఆకట్టుకుంది. పాకిస్తాన్ మాజీ క్రికెటర్ బాసిత్ అలీ పంత్ ఆటతీరును ప్రశంసిస్తూ, క్లిష్ట పరిస్థితుల్లో వేగంగా పరుగులు చేయడం కష్టం మరియు పంత్ లో అపారమైన ప్రతిభ ఉందని అభిప్రాయపడ్డాడు.
బాసిత్, ఐపీఎల్ వేలంలో పంత్ కనీసం 50 కోట్ల రూపాయలు పలుకుతాడని అంచనా వేశాడు. ప్రస్తుతానికి సోషల్ మీడియాలో అతని ధర 25 కోట్లుగా ప్రచారం జరుగుతున్నా, అతని నిజమైన విలువ మాత్రం 50 కోట్లుగా ఉండవచ్చని ఆయన అన్నారు. పంత్ తన షాట్ ఎంపికలో చాలా తెలివైనవాడని, తన బలహీనతలు ఎక్కడ ఉన్నాయో చాలా బాగా తెలుసుకున్నాడని, న్యూజిలాండ్ సిరీస్‌లో అతను అత్యుత్తమంగా ఆడాడని బాసిత్ వివరించాడు. పంత్ ఆట భావితరానికి కీలకమైనవిగా మారనున్నాయన్నారు.