Kaliyugam 2064: ప్రముఖ దర్శకుడు మణిరత్నం తాజాగా “కలియుగమ్ 2064” సినిమాకి ఫస్ట్ లుక్ ను విడుదల చేశారు. ఈ చిత్రం “ఆర్.కె.ఇంటర్నేషనల్” బ్యానర్ పై రూపొందిన అడ్వెంచర్ సైన్స్ ఫిక్షన్ థ్రిల్లర్. కె.ఎస్. రామకృష్ణ నిర్మాణం వహించిన ఈ సినిమా శ్రద్ధా శ్రీనాథ్, కిషోర్ ప్రధాన పాత్రల్లో నటిస్తున్నారు. ఈ చిత్రం 2064 సంవత్సరంలో, మనుష్యులు ఎలా ఉండబోతున్నారో, ఎలా జీవించబోతున్నారో, ఎలా చావబోతున్నారో అన్న విషయాలతో రాబోతోంది. ప్రేక్షకుల్ని అలరించడానికి వినూత్నమైన కథాంశంతో రూపొందించిన ఈ చిత్రానికి మంచి విజయం దక్కాలని, మణిరత్నం కూడా ఆకాంక్షించారు.
Mani Ratnam Unveils The First Look of Kaliyugam 2064
ఈ సినిమా తెలుగులో, తమిళంలో, అలాగే బైలింగ్వల్‌గా రూపొందించబడింది. ఫస్ట్ లుక్ పోస్టర్‌ను విడుదల చేసినప్పుడు, మణిరత్నం సినిమా కాన్సెప్ట్ మరియు పోస్టర్ ఎంతో ఆకర్షణీయంగా ఉన్నాయని చెప్పారు. ఈ సందర్భంగా, తెలుగు సినిమా విషయానికొస్తే, ఆయన ఇలా తెలుగు సినిమా పోస్టర్‌ను విడుదల చేయడం విశేషం. “కలియుగమ్ 2064” సినిమాతో సంబంధం ఉన్న యూనిట్ సభ్యులతో మణిరత్నం చాలా సేపు చర్చలు జరిపారు, ఇది సినిమాకు మంచి గౌరవాన్ని తెచ్చింది.
Also Read: NBK109: నందమూరి బాలకృష్ణ ‘NBK109’ టీజర్ రిలీజ్!!
శ్రద్ధా శ్రీనాథ్ తెలుగు చిత్రాలలో “జెర్సీ” చిత్రంలో నాని సరసన నటించినప్పటి నుంచి మంచి గుర్తింపు పొందారు. “కలియుగమ్ 2064”లో ఆమె మరో కొత్త పాత్రలో కనిపించనున్నారు. అదే విధంగా, కిషోర్ గతంలో తెలుగు, తమిళం, మలయాళం, కన్నడ భాషల్లో వివిధ పాత్రలతో అభిమానుల హృదయాల్లో చెరగని ముద్ర వేశారు. ఈ సినిమాలో ఆయన మరొక కీలకమైన పాత్రలో అద్భుతంగా నటించారు.
ఈ చిత్రానికి అవసరమైన టెక్నికల్ ఎఫెక్ట్స్, కంప్యూటర్ గ్రాఫిక్స్ నార్వేలో చేబడ్డాయి. “కలియుగమ్ 2064” సినిమాను ఇప్పటి జెనరేషన్, యువత, ఫ్యామిలీ ప్రేక్షకులందరికీ చూడడానికి సరిపోయే సినిమా అని, ఈ చిత్రాన్ని ప్రేక్షకులు ఆదరించాలని నిర్మాత కె.ఎస్. రామకృష్ణ తెలిపారు. త్వరలో ఈ సినిమా ప్రేక్షకుల ముందుకు రానుంది.
నటీనటులు:
శ్రద్ధా శ్రీనాథ్, కిషోర్, ఇనియన్ సుబ్రమణి, హ్యారీ, తదితరులు
సాంకేతిక నిపుణులు:
బ్యానర్: ఆర్. కె. ఇంటర్నేషనల్
నిర్మాత: కె. యస్. రామకృష్ణ
రచన & దర్శకత్వం: ప్రమోద్ సుందర్
డైరెక్టర్ ఆఫ్ ఫోటోగ్రఫీ: కే. రామ్ చరణ్
ఎడిటర్: నిమల్
సంగీత దర్శకుడు: డాన్ విన్సెంట్
ఆర్ట్ డైరెక్టర్: శక్తి వెంకట్రాజు
సౌండ్ డిజైన్: తపస్ నాయక్