Meenakshi Chaudhary: టాలీవుడ్ లో టాప్ హీరోయిన్ గా ఎదుగుతున్న నటీమణులలో మీనాక్షి చౌదరి ఒకరు. “ఇచ్చట వాహనములు నిలుపరాదు” చిత్రంతో తెలుగు తెరకు పరిచయమైన ఈ ముద్దుగుమ్మ, ఆ తర్వాత పలు ఆసక్తికర చిత్రాలలో నటించి, ప్రేక్షకులను మెప్పించింది. అయితే, స్టార్ హీరోయిన్ స్థాయికి చేరుకోవడం సాధ్య పడడంలేదు. మహేష్ బాబు నటించిన “గుంటూరు కారం”లో శ్రీలీల ప్రధాన పాత్ర పోషిస్తుండగా, మీనాక్షి పాత్రకు అంతగా ప్రాధాన్యత లేకపోగా ఇటీవలే ఆమె నటించిన “ది గ్రేటెస్ట్ ఆఫ్ ఆల్ టైమ్” చిత్రం ఆమెకు పేరు తీసుకురాలేకపోయింది.
Meenakshi Chaudhary Upcoming Films and Roles
విజయ్ సరసన నటించడం ఆమెకు ఒక పెద్ద బ్రేక్ అవుతుందని భావించారు. కానీ, విజయ్ ద్విపాత్రాభినయం ఈ సినిమాకు హైలైట్ కావడంతో, మీనాక్షి పాత్ర కాస్త తేలిపోయింది. ముఖ్యంగా ద్వితీయార్థంలో ఆమె పాత్రను కత్తిరించడంతో, ఆమెకు అంతగా స్కోప్ దక్కలేదు. ఇక ఆమె ఆశలన్నీ ఇప్పుడు చేస్తున్న కొన్ని సినిమాలపైనే.. అక్టోబర్ 31న విడుదల కానున్న “లక్కీ భాస్కర్”పై అందరి దృష్టి నెలకొంది.
Also Read: Pilla Zamindar 2: నాని సూపర్ హిట్ చిత్రానికి సీక్వెల్.. ఇప్పుడు వర్కౌట్ అయ్యేనా!!
ఈ చిత్రంలో దుల్కర్ సల్మాన్ సరసన మీనాక్షి నటిస్తోంది. “సార్” సినిమాలో సంయుక్త మీనన్ పాత్రను బలంగా చూపించిన దర్శకుడు వెంకీ అట్లూరి, ఈ చిత్రంలో మీనాక్షి పాత్రకు ప్రత్యేక ప్రాధాన్యత ఇచ్చారని ఆశిస్తున్నారు. ఇది ఆమె కెరీర్‌లో టర్నింగ్ పాయింట్ అయ్యే అవకాశం ఉంది. ఇక వరుణ్ తేజ్ సరసన “మట్కా” మరియు విశ్వక్ సేన్ సరసన “మెకానిక్ రాకీ” చిత్రాలలో కూడా మీనాక్షి నటిస్తోంది.
ఈ రెండు సినిమాలు త్వరలో విడుదల కానున్నాయి. “లక్కీ భాస్కర్” విజయవంతమైతే, మీనాక్షి కెరీర్‌కు మంచి పునాది ఏర్పడుతుంది. అధికారిక ప్రకటన లేనప్పటికీ, “విశ్వంభర” అనే మరో చిత్రంలో కూడా ఆమె నటిస్తున్నట్లు వార్తలు వస్తున్నాయి. మరి ఈ సినిమాలు ఆమెకు ఏపేరును తీసుకొస్తాయో చూడాలి.