Nara Lokesh: ఆంధ్రప్రదేశ్ ప్రభుత్వం సుపరిపాలన కోసం నిరంతర కృషి చేస్తూ ప్రజలకు ఇచ్చిన హామీలను నెరవేర్చుతోంది. ఎన్నికల సమయంలో ఇచ్చిన వాగ్దానాలను అమలు చేస్తూ, ప్రజల విశ్వాసాన్ని నిలబెట్టుకుంటోంది. ముఖ్యంగా, ప్రజల సౌకర్యాన్ని పెంపొందించేందుకు కొత్త పథకాలను ప్రవేశపెడుతోంది. ఈ క్రమంలో, రాష్ట్ర ప్రభుత్వం వాట్సాప్ ద్వారా క్యాస్ట్ సర్టిఫికెట్లు పొందే సరికొత్త సేవను అందుబాటులోకి తీసుకువస్తుందని ఐటీ మంత్రి నారా లోకేశ్ వెల్లడించారు.
Nara Lokesh Announces WhatsApp-Based Caste Certificate Issuance
నారా లోకేశ్ తన ఫేస్‌బుక్ పోస్టులో ఈ కొత్త సదుపాయం గురించి వివరించారు. “యువగళం” పాదయాత్రలో ఇచ్చిన హామీ ప్రకారం, ప్రజలు ఇకపై ప్రభుత్వ కార్యాలయాల చుట్టూ తిరగకుండా, వాట్సాప్ ద్వారా సులభంగా క్యాస్ట్ సర్టిఫికెట్లు పొందవచ్చని ఆయన అన్నారు. సర్టిఫికెట్లతో పాటు ఇతర వివిధ సేవలను కూడా ఈ ప్లాట్‌ఫామ్‌లో పొందే అవకాశం కల్పించామన్నారు. పైగా, పన్నులు, విద్యుత్, నీటి బిల్లులు కూడా వాట్సాప్ ద్వారా చెల్లించుకోవచ్చని లోకేశ్ ప్రకటించారు.
Also Read: RCB: ఆర్సిబికి షాక్… ఆ ప్లేయర్లు వద్దంటున్న కర్ణాటక సర్కార్ ?
అంతేకాకుండా, ఆంధ్రప్రదేశ్ ప్రభుత్వం మెటా సంస్థతో ఒక కీలక ఒప్పందం కుదుర్చుకున్నట్టు లోకేశ్ వెల్లడించారు. ఈ ఒప్పందం ద్వారా వాట్సాప్ బిజినెస్ ఆధారంగా క్యాస్ట్ సర్టిఫికెట్లతో పాటు మరిన్ని ఇతర సర్టిఫికెట్లను ప్రజలు సులభంగా పొందవచ్చని అన్నారు. సర్టిఫికెట్లను ఆన్‌లైన్‌లోనే పారదర్శకంగా జారీ చేస్తూ, నకిలీలకు ఎలాంటి అవకాశం ఉండకుండా కఠినమైన చర్యలు తీసుకున్నామని ఆయన స్పష్టం చేశారు.
ఈ ప్రాజెక్టుకు మెటా సంస్థ టెక్నికల్ సపోర్ట్ మరియు కన్సల్టేషన్ అందిస్తుందని, ఆర్టిఫిషియల్ ఇంటెలిజెన్స్ ద్వారా మరిన్ని సిటిజెన్ సేవలను ప్రజలకు చేరువ చేస్తామని లోకేశ్ వివరించారు. ఈ కొత్త సౌకర్యం ఆంధ్రప్రదేశ్‌లో మరింత సులభతరమైన ఈ-గవర్నెన్స్ కోసం చారిత్రాత్మకమైన అడుగు అని అభివర్ణించారు. నారా లోకేశ్ తీసుకుంటున్న ఈ నిర్ణయాలు సోషల్ మీడియాలో విస్తృతంగా చర్చకు దారి తీస్తున్నాయి. రాబోయే రోజుల్లో ప్రజల సౌకర్యం కోసం ఆయన మరిన్ని కీలక నిర్ణయాలు తీసుకుంటారని ప్రజలు ఆశిస్తున్నారు.