Payal Rajput: ‘ఆర్‌ఎక్స్ 100’ సినిమా ద్వారా తెలుగు సినీ పరిశ్రమలో పాపులారిటీ సాధించిన పాయల్ రాజ్‌పుత్ తన అందం, అభినయంతో ప్రత్యేకమైన గుర్తింపు పొందారు. ఈ సినిమా లో ఇందూ పాత్రలో ఆమె చూపిన నటన, ప్రేక్షకులను విశేషంగా ఆకట్టుకుంది. ఆమె నటనతో పాటు తను పొందిన పేరు ప్రతిష్టా పాయల్‌కు కొత్త అవకాశాలను తెచ్చినా, అవి ఇంతవరకు ఆశించిన స్థాయిలో ఉండలేదని అభిమానులు అభిప్రాయపడుతున్నారు.
Payal Rajput Opens Up About Her Love Life
‘ఆర్‌ఎక్స్ 100’ తర్వాత పాయల్‌కు అదే తరహా పాత్రలు ఎక్కువగా రావడంతో, ఆమెలోని అభినయాన్ని పూర్తిగా చూపించుకునే అవకాశాలు లేకుండా పోయాయి. అయినప్పటికీ, పాయల్ కొన్ని విభిన్న పాత్రలను కూడా స్వీకరించారు. ‘ఎన్టీఆర్ కథానాయకుడు’, ‘సీత’, ‘మంగళవారం’ వంటి సినిమాల్లో పాయల్ తన నటనతో ప్రేక్షకుల ప్రశంసలు పొందారు. ఆమె తన పాత్రల్లో కొత్తదనం కోసం చేసే ప్రయత్నాలు, భిన్నమైన పాత్రలు చేయాలని చూపించిన కసి నిజంగా అభినందనీయమని పలువురు విమర్శకులు అభిప్రాయపడుతున్నారు.
Also Read: Delhi Ganesh: ప్రముఖ నటుడు ఢిల్లీ గణేష్‌ కన్నుమూత!!
ఇటీవల పాయల్ రాజ్‌పుత్ తన సోషల్ మీడియాలో ప్రేమ గురించి ఒక పోస్ట్ చేయడంతో ఆమె ప్రేమలో ఉన్నారనే వార్తలు ఇంటర్నెట్‌లో వైరల్ అయ్యాయి. ప్రేమను ఎలా అనుభవిస్తాననే తన భావాన్ని వ్యక్తీకరించిన ఆ పోస్ట్ నెటిజన్ల దృష్టిని ఆకర్షించింది. అయితే ఆమె నిజంగా ప్రేమలో పడిందా లేదా అనే విషయంపై ఇంకా స్పష్టత లేదు. అయినప్పటికీ, పాయల్ ఈ పోస్టుతో నెటిజన్లలో చర్చకు దారి తీసింది.
తెలుగు సినీ ఇండస్ట్రీలో హీరోయిన్లకు నిలదొక్కుకోవడం సవాలుతో కూడుకున్న పని. అందం, అభినయం ఉన్నప్పటికీ, సరైన అవకాశాలు రాకపోవడం చాలా మంది హీరోయిన్లు ఎదుర్కొనే సమస్య. పాయల్ రాజ్‌పుత్ కూడా ఈ సమస్యను ఎదుర్కొంటున్నట్లు కనిపిస్తుంది. అయితే, పాయల్ నటనపై ప్రేక్షకుల నుంచి వచ్చే ప్రశంసలు, ఆమెకు మంచి అవకాశాలు వచ్చి తన ప్రతిభను మరింతగా ప్రదర్శించుకునే అవకాశం కల్పిస్తాయని ఆమె అభిమానులు ఆశిస్తున్నారు.