Pilla Zamindar 2: నేచురల్ స్టార్ నాని వరుస విజయాలతో తన కెరీర్‌లో దూసుకుపోతున్నారు. తాజాగా, ఆయన నటించిన బ్లాక్‌బస్టర్ చిత్రం “సరిపోదా శనివారం”తో ప్రేక్షకులను మెప్పించారు.ఇక ‘హిట్ 3’ సినిమాలో నటిస్తున్న నాని “దసరా” దర్శకుడు శ్రీకాంత్ ఓదెలతో నాని మరో ప్రాజెక్ట్‌కి సైన్ చేయడంతో, ఈ సినిమాపై భారీ అంచనాలు నెలకొన్నాయి. ఇటీవల ఈ చిత్రానికి సంబంధించిన పూజా కార్యక్రమాలు ఘనంగా జరిగాయి. “దసరా”లో నాని పోషించిన పాత్ర, ఆయన అభినయం ప్రేక్షకులను ఎంతగానో ఆకట్టుకోవడంతో, శ్రీకాంత్ ఓదెలతో ఆయన చేస్తున్న ఈ కొత్త ప్రాజెక్ట్‌పై ప్రేక్షకుల్లో పెరిగిన అంచనాలు సహజమే.
Pilla Zamindar 2 in the Works Producer Confirms
ఇకపోతే, నాని 13 ఏళ్ల క్రితం నటించిన క్లాసిక్ చిత్రం “పిల్ల జమీందార్” సీక్వెల్ రాబోతుందనే వార్తలు ప్రస్తుతం చర్చనీయాంశంగా మారాయి. 2011లో విడుదలైన ఈ చిత్రం ప్రేక్షకుల హృదయాలను కట్టిపడేసింది. ఈ నేపథ్యంలో, నిర్మాత డి.ఎస్. రావు ఈ క్లాసిక్‌కి సీక్వెల్‌గా “పిల్ల జమీందార్ 2″ను రూపొందించడానికి సన్నాహాలు చేస్తున్నట్లు వెల్లడించారు. ఒక కార్యక్రమంలో ఆయన మాట్లాడుతూ, ప్రస్తుతం కథా చర్చలు జరుగుతున్నాయని, త్వరలోనే మరిన్ని వివరాలు వెల్లడిస్తామన్నారు. ఈ వార్తతో నాని అభిమానులు చాలా ఉత్సాహంగా ఉన్నారు, సోషల్ మీడియాలో ఈ సినిమా గురించిన చర్చలు వేడెక్కాయి.
Also Read: Naga Chaitanya: పెళ్లి పనులుమొదలుపెట్టిన శోభిత,నాగచైతన్య!!
అయితే, ఈ సీక్వెల్‌కు ఎవరు దర్శకత్వం వహిస్తారు, నటీనటులు ఎవరు, షూటింగ్ ఎప్పుడు ప్రారంభమవుతుంది వంటి ప్రశ్నలకు ఇంకా సమాధానాలు లేవు. నాని ప్రస్తుతం “నాని-ఓదెల 2,” “హిట్ 3,” సినిమాలతో బిజీగా ఉన్నాడు. ఈ షెడ్యూల్‌లో “పిల్ల జమీందార్ 2″లో నటిస్తారా లేదా అనేది తెలియాల్సి ఉంది. ఈ ప్రశ్నలకు సమాధానం తెలియాలంటే అభిమానులు కొంత సమయం వేచి చూడాల్సి ఉంటుంది. నాని ఈ ప్రాజెక్ట్‌ పై ఏమాత్రం ఇంట్రెస్ట్ చూపిస్తాడో చూడాలి.