Prabhas: ప్రభాస్ ప్రస్తుతం వరుస సినిమాలతో బిజీగా ఉన్నారు. ‘సలార్’, ‘కల్కి 2898 ఏడీ’, ‘రాజాసాబ్’ వంటి భారీ బడ్జెట్ చిత్రాలు మాత్రమే కాకుండా, సందీప్ రెడ్డి వంగా దర్శకత్వంలో ‘స్పిరిట్’ అనే కొత్త ప్రాజెక్ట్ కూడా ఆయన చేతిలో ఉంది. ఈ సినిమాలన్నీ ఒక్కదానికొకటి పూర్తి చేయడం ప్రభాస్‌కు ఒక పెద్ద సవాల్‌గా మారింది. అయినా ఈ అన్ని ప్రాజెక్టులు సమయానికి పూర్తి కావాలన్న పట్టుదలతో అయన పని చేస్తున్నారు.
Prabhas Takes on 4 Big Films in Parallel
ప్రభాస్ ప్రస్తుతం ‘సలార్ 2’, ‘ఫౌజీ’, ‘రాజాసాబ్’ సినిమాల షూటింగ్ లు చేస్తూనే, ‘స్పిరిట్’ సినిమాను త్వరగా పూర్తి చేయాలని భావిస్తున్నారు. దర్శకుడు సందీప్ రెడ్డి వంగా ఈ సినిమా కోసం చాలా స్పీడ్‌గా పని చేస్తున్నారు. ఈ చిత్రాన్ని త్వరగా పూర్తి చేయాలని నిర్ణయించుకున్న నిర్మాత భూషణ్ కుమార్, డిసెంబర్‌లో షూటింగ్‌ను ప్రారంభించి ఆరు నెలల్లో సినిమాను పూర్తి చేయాలని ప్లాన్ చేస్తున్నారు. దీని కోసం ప్రభాస్ కూడా తన షెడ్యూల్‌ను ప్లాన్ చేసి, ఒకేసారి ఈ సినిమా తో పాటు మరో సినిమా కూడా చేయనున్నారు.
Also Read: New OTT Releases: ఈ వారం ఓటీటీలో భారీ విందు..సినిమాలు, వెబ్ సిరీస్‌ల పండగ!!
ప్రభాస్ తన కెరీర్‌లో ఇదే విధంగా వరుస సినిమాలు చేస్తుండటం అభిమానులకు ప్రత్యేకం అనే చెప్పాలి. గతంలో 1980లలో విడుదలైన కొన్ని హిట్ సినిమాల హీరోలు కూడా ఇలా వరుసగా సినిమాలు చేస్తూ, ఏడాదికి ఒకటి కంటే ఎక్కువ సినిమాలు విడుదల చేసేవారు. ప్రభాస్ కూడా ఇప్పుడు అదే ట్రెండ్‌ను అనుసరిస్తున్నారు. ఒకదానితో పాటు మరో ప్రాజెక్ట్‌ను చేసి సినిమాలు పూర్తి చేయాలనీ భావిస్తున్నాడట. ఇక, ప్రభాస్ అభిమానులు ఈ వరుస సినిమాల కోసం ఆసక్తిగా ఎదురు చూస్తున్నారు. ఆయన నాలుగు సినిమాలు ఒకే సమయం లో చేస్తున్నారు అన్న విషయం వారిలో మరింత ఉత్సాహాన్ని రేకెత్తిస్తోంది. ఈ సినిమాలు విజయవంతం అవుతాయని ప్రేక్షకులు ఆకాంక్షిస్తున్నారు.