Pushpa2: డిసెంబర్ 5న విడుదలకు సిద్ధమవుతున్న ఐకాన్ స్టార్ అల్లు అర్జున్ నటించిన ‘పుష్ప 2’ సినిమా ప్రమోషన్ కార్యక్రమాలు జోరుగా సాగుతున్నాయి. ప్రేక్షకుల్లో భారీ అంచనాలు రేకెత్తించిన ఈ చిత్రం, సుకుమార్ దర్శకత్వంలో తెరకెక్కుతుండగా మైత్రీ మూవీ మేకర్స్ బ్యానర్ పై నిర్మితమవుతోంది. ప్రస్తుతం సినిమా షూటింగ్ దశ చివరి ముగింపులో ఉండగా, చిత్రబృందం ప్రత్యేకంగా రూపొందిస్తున్న ఐటెమ్ సాంగ్ పై దృష్టి సారించింది. ఈ నేపథ్యలోనే ఈ పాట సెట్లో తీసిన ఒక ఫోటో లీక్ అయింది.
Pushpa2 Leaked Photo of Allu Arjun and Srileela from
లీక్ అయిన ఫోటోలో అల్లు అర్జున్ మరియు శ్రీలీల డ్యాన్స్ కాస్ట్యూమ్స్‌లో కనిపిస్తున్నారు. వారి చుట్టూ కలర్‌ఫుల్ కాస్ట్యూమ్స్‌లో డ్యాన్సర్లు ఉండగా, ఓ జాతర వాతావరణాన్ని ఆ సెట్ తలపిస్తుంది. ఈ ఫోటో సోషల్ మీడియా వేదికగా వైరల్ అవ్వడంతో అభిమానుల్లో కొత్త ఉత్సాహం నెలకొంది. పుష్ప 2పై ఉత్సాహంగా ఉన్న అభిమానులు ఈ ఫోటోను విశేషంగా చర్చించుకుంటున్నారు. కొందరు ఈ సాంగ్ ప్రేక్షకులను కొత్త రీతిలో అలరిస్తుందని, రికార్డులు తిరగరాస్తుందని ఆశాభావం వ్యక్తం చేస్తున్నారు. మరికొందరైతే ఇలాంటి కీలక ఫోటోలు లీక్ అవుతుండడంపై అసంతృప్తి వ్యక్తం చేస్తున్నారు.
Also Read: Kanappa: కన్నప్ప సినిమా నుంచి ప్రభాస్ లుక్ లీక్.. మంచు విష్ణు షాకింగ్ డెసిషన్!!
లీక్ సంఘటనపై ఇప్పటివరకు చిత్రబృందం నుంచి అధికారిక స్పందన వెలువడలేదు. కానీ ఈ ఫోటో లీక్‌తో పుష్ప 2పై మరింతగా హైప్ పెరిగింది. ఇప్పటికే సినిమా కథనంలోని వినూత్నత, అల్లు అర్జున్ క్యారెక్టర్ స్టైల్, మాస్ ఎలిమెంట్స్ ప్రేక్షకుల్లో భారీ అంచనాలు పెంచాయి. ఈ లీక్ మరింత ఆసక్తిని రేకెత్తిస్తూ సినిమాపై ఎక్కడికక్కడ చర్చలు రేకెత్తిస్తోంది. టీజర్, ట్రైలర్ లాంటి ప్రచార సాధనాలతో ఇప్పటికే సినిమా దూసుకెళ్తుండగా, ఈ కొత్త లీక్ అభిమానుల ఉత్కంఠను మరింత పెంచింది.
పుష్ప 2 సినిమాలో అల్లు అర్జున్‌తో పాటు రష్మిక మందన్న, ఫహద్ ఫాజిల్ కీలక పాత్రల్లో కనిపించనున్నారు. తొలి భాగంలో అల్లు అర్జున్ అభినయంతో పుష్పరాజ్ పాత్ర ప్రేక్షకులను ఎంతగానో ఆకట్టుకుంది. ఇప్పుడు రెండవ భాగంలో ఆ పాత్ర మరింత పవర్ ఫుల్ గా కొనసాగనుండటం ఆసక్తిని మరింతగా పెంచింది. ఫహద్ ఫాజిల్ నటన, రష్మిక మందన్న క్యారెక్టర్ డెవలప్‌మెంట్ కూడా అభిమానులను ఎక్కువగా ఆకర్షిస్తున్నాయి.
ఈ సినిమా విడుదలకు ముందే ఇలా పాటల సెట్స్ నుండి ఫోటోలు లీక్ అవుతుండటంతో, అభిమానుల్లో ఊహలు పెరుగుతూనే ఉన్నాయి. సుకుమార్ సృష్టించిన పుష్ప ప్రపంచం ప్రేక్షకులను మరోసారి అలరిస్తుందని అంతా ఆశిస్తున్నారు.