Rashmika Mandanna: రష్మిక మందన్న.. తెలుగు సినిమా తెరపై “నేషనల్ క్రష్” గా ప్రసిద్ధి చెందిన నటి, ఇప్పుడు ఫ్యాషన్ ప్రపంచంలో కూడా తనకంటూ ప్రత్యేకమైన స్థానాన్ని ఏర్పరుచుకుంటుంది. ప్రస్తుతం, జపనీస్ బ్రాండ్ ONITSUKA టైగర్ కు బ్రాండ్ అంబాసిడర్ గా వ్యవహరిస్తున్న రష్మిక, ఈ సంస్థ యొక్క ఆటమ్/వింటర్ 2024 కలెక్షన్ ను ప్రదర్శించి అందరి దృష్టిని ఆకర్షించింది. “అర్బన్ వింటర్స్” థీమ్ తో రూపొందిన ఈ కలెక్షన్ ఫ్యాషన్ ప్రియులను మరింత ఆకర్షించింది.
Rashmika Mandanna Shines as ONITSUKA Tiger Brand Ambassador
స్టైలిష్ జాకెట్లతో పాటు, ఉన్నితో తయారైన క్రాప్ టాప్‌లు మరియు స్కర్టుల వరకు అనేక రకాల వింటర్ దుస్తులను ధరించి, ఆమె తన ఎలిగెన్స్‌ను అద్భుతంగా ప్రదర్శించింది. నలుపు రంగు స్టాకింగ్స్ ఆమె అందానికి మరింత ఆకర్షణ చేకూర్చాయి. రష్మిక ఇప్పుడు నటిస్తున్న “పుష్ప 2: ది రూల్” సినిమాకోసం ప్రేక్షకులు మరింత ఆసక్తిగా ఎదురు చూస్తున్నారు. డిసెంబర్ 6, 2024న విడుదల కావలసిన ఈ సినిమా గురించి భారీ అంచనాలు ఏర్పడిన విషయం తెలిసిందే. 2016లో కన్నడ రొమాంటిక్ కామెడీ “కిరాక్ పార్టీ”తో ఆమె నటనా జీవితాన్ని ప్రారంభించిన రష్మిక, “అంజని పుత్ర” (2017) మరియు “చమక్” (2017) వంటి సినిమాలతో ప్రేక్షకులను ఆకట్టుకుంది.
Also Read: Saif Ali Khan: దేవర కోసం సైఫ్ అలీఖాన్ హీరో రేంజ్ లో పారితోషకం అందుకున్నాడా?
తెలుగులో “గీత గోవిందం” (2018) సినిమాతో భారీ విజయాన్ని సాధించిన రష్మిక, ఆ సినిమాలో చేసిన నటనకు ఫిల్మ్ ఫేర్ క్రిటిక్స్ అవార్డును కూడా గెలుచుకుంది. “దేవదాస్” (2018), “సరిలేరు నీకెవ్వరు” (2020), “భీష్మ” (2020) వంటి సినిమాలతో తెలుగు ప్రేక్షకుల హృదయాల్లో ప్రత్యేకమైన స్థానం సంపాదించుకుంది.
ప్రస్తుతం రష్మిక, తెలుగు, తమిళ, హిందీ భాషల్లో వరుసగా సినిమాల్లో నటిస్తూ బిజీగా ఉంది. ఆమె నటించిన “పుష్ప: ది రైజ్” (2021) సినిమా పాన్ ఇండియా స్థాయిలో బ్లాక్ బస్టర్ హిట్ గా నిలిచింది, మరియు “పుష్ప 2: ది రూల్” కూడా అంతే పెద్ద విజయం సాధించదని అభిమానులు ఆశిస్తున్నారు.