Sandeep Reddy Vanga: తెలుగు సినిమాను ప్రపంచ స్థాయికి తీసుకెళ్లిన దర్శకుడు రాజమౌళి. ఆయన సినిమాలు వీఎఫ్ఎక్స్, గ్రాండియర్‌తో మాత్రమే కాకుండా, కథా కథనాలతో కూడా ప్రత్యేకతను చాటుతుంటాయి. “బాహుబలి,” “ఆర్ ఆర్ ఆర్” వంటి సినిమాలతో తెలుగు సినిమాని అంతర్జాతీయ స్థాయిలో నిలిపిన రాజమౌళి, తన సినిమాల్లో నటించే హీరోల నుంచి అత్యున్నత స్థాయి కమిట్‌మెంట్‌ను ఆశిస్తారని అందరికీ తెలిసిందే. ముఖ్యంగా, తన సినిమా పూర్తయ్యే వరకు హీరోలు వేరే ప్రాజెక్ట్‌లలో పాల్గొనకూడదన్న కండిషన్ ఆయనకు ఉంటుంది.
Sandeep Reddy Vanga Imposes Strict Conditions on Prabhas
ఇదే కండిషన్‌ను ప్రభాస్ కు “బాహుబలి” సమయంలో కూడా రాజమౌళి పెట్టారు. ఆ సినిమా షూటింగ్ దాదాపు ఐదేళ్లు కొనసాగింది. ఆ కాలంలో ప్రభాస్ వేరే ఏ సినిమా చేయలేదు. ఇప్పుడు అదే తరహాలో మరో సెన్సేషనల్ డైరెక్టర్ సందీప్ రెడ్డి వంగ కూడా “స్పిరిట్” సినిమా కోసం ప్రభాస్‌కి ఇలాంటి కండిషన్ విధించారు. మూడేళ్ల క్రితం ప్రకటించిన ఈ సినిమా కోసం, ప్రభాస్ వేరే ప్రాజెక్ట్‌లకు దూరంగా ఉండాలని షరతు పెట్టారు.
Also Read: Revanth reddy: రేవంత్ రెడ్డి ఎక్కువ రోజులు ముఖ్యపదవిలో ఉండదా? నెక్స్ట్ సీఎం ఎవరంటే?
“స్పిరిట్” సినిమా షూటింగ్ నాలుగైదు నెలల్లో ప్రారంభం కానుంది, అందులో ప్రభాస్ పూర్తిగా ఈ ప్రాజెక్ట్‌లోనే నిమగ్నమవుతారని తెలుస్తోంది. సందీప్ పెట్టిన ఈ కండిషన్, రాజమౌళి కంటే కఠినంగా ఉందని నెటిజన్లు వ్యాఖ్యానిస్తున్నారు. “అర్జున్ రెడ్డి,” “కబీర్ సింగ్” వంటి సినిమాలతో ప్రత్యేక స్థానాన్ని సంపాదించుకున్న సందీప్, ఇప్పుడు ప్రభాస్‌తో తీస్తున్న “స్పిరిట్”పై భారీ అంచనాలు నెలకొన్నాయి. అభిమానులు ఈ సినిమాని ఆసక్తిగా ఎదురుచూస్తున్నారు. ఈ సినిమా ప్రభాస్ కెరీర్‌లో మైలురాయిగా నిలుస్తుందేమో వేచి చూడాలి.