Shruti Haasan: శ్రుతి హాసన్ సినీ ప్రయాణం ఎప్పుడూ ఆసక్తికరంగా సాగుతోంది. నటన, సంగీతం రెండింటిలో ముందుకెల్తూ ఆమె కెరీర్‌లో అనేక సవాళ్లు ఎదుర్కొన్నారు. ఒక దశలో నటనకు విరామం ఇచ్చి, పూర్తిగా సంగీతంపై దృష్టి పెట్టిన శ్రుతి, తిరిగి వెండితెరపై సందడి చేస్తూ ‘సలార్’ వంటి భారీ చిత్రాల్లో అవకాశాలు అందుకున్నారు. తాజాగా, ఆమె అడివి శేష్ హీరోగా నటిస్తున్న యాక్షన్ థ్రిల్లర్ ‘డకాయిట్’ నుంచి వైదొలగినట్లు సమాచారం, ఇది ఆమె అభిమానులకు నిరాశను కలిగించింది.
Shruti Haasan Drops Out of Adivi Sesh Dacoit
శ్రుతి హాసన్ వెనుకాడడానికి గల కారణాలపై ఊహాగానాలు తెరపైకి వచ్చాయి. షెడ్యూల్ సమస్యలు ఒక కారణమని వార్తలు వస్తున్నప్పటికీ, అసలు కారణం సినిమా యూనిట్‌లో నెలకొన్న విభేదాలేనని టాలీవుడ్ వర్గాల్లో వినిపిస్తోంది. హీరో అడివి శేష్ సినిమాను తన విధానం ప్రకారం నడపడం శ్రుతి హాసన్‌కు నచ్చలేదని, ఆమె ఈ కారణంగా అసంతృప్తితో ప్రాజెక్ట్ నుంచి బయటకు వచ్చిందని తెలుస్తోంది. దర్శకుడు షనీల్ డియోపై నమ్మకంతో సంతకం చేసిన శ్రుతి, తన పాత్రకు సరైన ప్రాముఖ్యత లభించకపోవడం వల్ల కూడా ఆమె ఈ నిర్ణయం తీసుకుని ఉండవచ్చు.
Also Read: Tollywood: ఒకటి కాదు రెండు కాదు.. దీపావళి కి టాలీవుడ్ లో ఆరు సినిమాలు!!
సినిమా షూటింగ్ ముందుకు సాగుతున్నప్పటికీ, శ్రుతి హాసన్ వైదొలగడంపై చిత్రబృందం నుంచి అధికారిక ప్రకటన ఇంకా వెలువడలేదు. ఆమె ఈ ప్రాజెక్ట్‌ను వదిలేయడం సినిమాపై ఎంత ప్రభావం చూపిస్తుందో చూడాలి. ప్రస్తుతం శ్రుతి ‘కూలీ’, ‘సలార్ 2’, ‘శౌర్యంగా పర్వం’, ‘చెన్నై స్టోరీ’ వంటి సినిమాలతో బిజీగా ఉన్నారు. ఈ పరిస్థితుల్లో ‘డకాయిట్’ కోసం ఆమె సమయం కేటాయించడం కష్టసాధ్యమై ఉండవచ్చు.
సినిమాటోగ్రాఫర్‌గా సుప్రసిద్ధుడైన షనీల్ డియో ఈ చిత్రంతో దర్శకుడిగా పరిచయం అవుతున్నారు. సుప్రియ యార్లగడ్డ, సునీల్ నారంగ్ నిర్మిస్తున్న ఈ సినిమా ఆదివి శేష్‌కు కీలకంగా మారనుంది, ఎందుకంటే ‘హిట్ 2’ తర్వాత ఆయన చేస్తున్న ప్రాజెక్ట్ ఇదే.