Pushpa 2: పుష్ప సినిమా దేశవ్యాప్తంగా సంచలన విజయం సాధించింది. ఈ విజయానికి అనేక అంశాలు కారణమయ్యాయి. అందులో ముఖ్యంగా సమంత నటించిన “ఊ అంటావా” పాట ప్రత్యేక గుర్తింపు తెచ్చుకుంది. ఇప్పుడు పుష్ప 2: ది రూల్ కోసం కూడా మరో చార్ట్ బస్టర్ ఐటమ్ సాంగ్‌ను చేయాలనీ భావిస్తుంది చిత్ర బృందం. ఈ పాటలో నటించేందుకు చాలామంది నటీమణుల పేర్లు పరిశీలనలో ఉన్నాయి, వాటిలో త్రిప్తి డిమ్రి, దిశా పటాని వంటి పేర్లతో పాటు తాజాగా శ్రద్ధా కపూర్ కూడా చేరింది.
Sree Leela Joins the Race for Pushpa 2 Item Song
శ్రద్ధా కపూర్ ఈ పాట కోసం దాదాపు ఖరారు అయినప్పటికీ, ఆమె అధిక పారితోషికం మరియు తక్కువ తేదీలు అందుబాటులో ఉండటంతో నిర్మాతలు కొత్త ఎంపికల కోసం చూడాల్సిన పరిస్థితి ఏర్పడింది. తాజా సమాచారం ప్రకారం, నిర్మాతలు ఈ పాట కోసం శ్రీ లీలను పరిశీలిస్తున్నారత. శ్రీ లీల తన డ్యాన్స్ తో అలరిస్తుండడంతో ఈ ఐటమ్ సాంగ్‌లో ఆమె కనిపిస్తే ప్రేక్షకులకు కనుల విందుగా ఉంటుంది. అలాగే, అల్లు అర్జున్‌తో శ్రీ లీల జంటగా ఉంటే ఈ పాట మరింత ఆకర్షణీయంగా మారుతుందని భావిస్తున్నారు.
Also Read: Balakrishna: బాలకృష్ణ #NBK109 సినిమాకు పవర్ ఫుల్ టైటిల్.. ఇది ఒకే అయితే ఊరమాసే!!
అల్లు అర్జున్, శ్రీ లీల ఇంతకు ముందే ఆహా యాప్ కోసం వాణిజ్య ప్రకటనలో కలిసి నటించారు. ఈ కాంబినేషన్ పుష్ప 2 లో కూడా మెరిస్తే అభిమానులకు మరింత ఆనందం కలిగించే అవకాశం ఉంది. దేవి శ్రీ ప్రసాద్ అందించే బీట్‌లు, లిరిక్స్ అభిమానులను ఆకట్టుకునేలా ఉంటాయని టాక్ వినిపిస్తోంది.
షూటింగ్ వేగంగా జరుగుతున్నందున, నిర్మాతలు ఈ పాటలో నటించబోయే హీరోయిన్ ఎంపికను త్వరలో ఖరారు చేయాలని నిర్ణయించారు. ప్రస్తుతం శ్రీ లీల పేరు ప్రధానంగా వినిపిస్తున్నప్పటికీ, మరింత క్లారిటీ కోసం మరికొన్ని రోజులు వేచి చూడాల్సి ఉంది. అల్లు అర్జున్‌తో కలిసి ఐటమ్ సాంగ్‌లో శ్రద్ధా కపూర్ లేదా శ్రీ లీలలో ఎవరిని ఎంపిక చేస్తారో తెలుసుకునేందుకు అభిమానులు ఆసక్తిగా ఎదురుచూస్తున్నారు.