Yellamma: తెలంగాణ గ్రామీణ సంస్కృతిని అద్భుతంగా తెరపై ఆవిష్కరించిన ‘బలగం’ చిత్రంతో జాతీయ అవార్డును సాధించిన దర్శకుడు వేణు యెల్దండి, తన రెండవ చిత్రం ‘ఎల్లమ్మ’తో మరోసారి ప్రేక్షకులను అలరించడానికి సిద్ధమవుతున్నారు. తొలుత ఈ సినిమాలో నేచురల్ స్టార్ నాని నటించనున్నారని వార్తలు వచ్చాయి. కానీ తాజా సమాచారం ప్రకారం, యువ నటుడు నితిన్ ఈ ప్రాజెక్టులో నటించబోతున్నాడట. తేజ సజ్జ కూడా ఈ పాత్ర కోసం పరిశీలనలో ఉన్నట్లు తెలుస్తున్నప్పటికీ, నితిన్ చివరకు కథను ఒప్పుకున్నట్లు ఫిల్మ్ నగర్ వర్గాలు చెబుతున్నాయి.
Yellamma: Young Hero Nithiin Steps in for Natural Star Nani
బలగంతో తెలంగాణ గ్రామీణ సంస్కృతిని మరియు మానవ సంబంధాల విలువలను అద్భుతంగా చిత్రించిన వేణు యెల్దండిని విమర్శకులు అభినందించారు. ఆయన కథా రచయితగా కూడా తన ప్రతిభను నిరూపించుకున్నారు. ఎల్లమ్మ కూడా గ్రామీణ నేపథ్యంలో ఉన్న కథగా ఉంటుందని సమాచారం. అయితే, ఈ సారి ఆయన వినూత్నమైన కథాంశాన్ని ఎంచుకున్నట్లు తెలుస్తోంది, అందులో నితిన్ ఒక ప్రత్యేకమైన పాత్రలో కనిపించనున్నాడు. ఈ చిత్రం నితిన్ కెరీర్‌లో ఒక మైలురాయి చిత్రంగా నిలుస్తుందని ఆశిస్తున్నారు.
Also Read: Kanguva: కంగువ.. భారీ రన్ టైం..అయినా అస్సలు బోర్ కొట్టదట!!
ఈ ప్రాజెక్ట్‌ను టాలీవుడ్‌లో ఎన్నో బ్లాక్‌బస్టర్ హిట్స్ అందించిన దిల్ రాజు నిర్మిస్తున్నాడు. శ్రీ వెంకటేశ్వర క్రియేషన్స్ బ్యానర్‌పై ఈ సినిమా తెరకెక్కనుంది, చిత్రీకరణ 2025 ఫిబ్రవరిలో ప్రారంభమవుతుందని తెలుస్తోంది. చిత్ర బృందం నుండి అధికారిక ప్రకటన త్వరలో వెలువడే అవకాశం ఉంది, సినిమా తారాగణం, సాంకేతిక నిపుణుల పూర్తి వివరాలు త్వరలో అందుబాటులోకి రానున్నాయి.
నితిన్ ప్రస్తుతం ‘తమ్ముడు’ చిత్రంలో నటిస్తున్నాడు. ఈ సినిమా తర్వాత ఆయన ఎల్లమ్మ షూటింగ్‌లో పాల్గొంటాడు. వేణు యెల్దండి మరియు నితిన్ కలయికలో వస్తున్న ఈ సినిమాపై ప్రేక్షకుల్లో ఆసక్తి పెరిగింది. బలగం వంటి క్లాసిక్ చిత్రం తరువాత వేణు యెల్దండి ఎలాంటి కథను ఎంచుకుంటారో, నితిన్ ఎలాంటి పాత్రలో కనిపిస్తారో అని అభిమానులు ఆసక్తిగా ఎదురుచూస్తున్నారు.