YS Sharmila: వైఎస్‌ షర్మిల తాజాగా తన సోదరుడు, వైఎస్‌ఆర్‌సీపీ అధినేత జగన్మోహన్‌రెడ్డిపై తీవ్ర విమర్శలు చేశారు. తనపై సోషల్ మీడియా ద్వారా వచ్చే దుష్ప్రచారానికి జగనే కారణమని ఆరోపిస్తూ, ఆ దుష్ప్రచారాన్ని నియంత్రించకుండా ఉన్నాడని పేర్కొన్నారు. షర్మిల వ్యాఖ్యానిస్తూ, “నాపై దుష్ప్రచారం జరుగుతుంటే ఆయన నిశ్చింతంగా ఉన్నాడు. అంటే, ఈ అసభ్యకర ప్రచారాన్ని ఆయన ప్రోత్సహించినట్టే,” అని ఆవేదన వ్యక్తం చేశారు.
YS Sharmila Slams YSRCP Social Media Tactics
అలాగే, వైఎస్‌ఆర్‌సీపీ సోషల్ మీడియా ఆర్మీలా మారి, పార్టీకి వ్యతిరేకంగా ఉన్నవారిపై దాడులు చేస్తున్నారని చెప్పారు. మహిళలు రాజకీయాల్లో కొనసాగాలంటే ఇలాంటి పరిస్థితులు భయపెడుతున్నాయని ఆమె అన్నారు. గతంలో వైఎస్‌ఆర్‌సీపీ హామీలు ఇచ్చి ప్రజల ఆశలు పెంచగా, ఇప్పుడు పార్టీ సభ్యులు అసెంబ్లీకి గైర్హాజరవడం, ప్రజల సంక్షేమం మీద చూపించాల్సిన ఆసక్తి లేకపోవడం ఆమెకు తీవ్ర నిరాశను కలిగించింది. వైఎస్‌ఆర్‌సీపీ నాయకుల అహంకారం మరియు రాజకీయ ప్రవర్తనలపై షర్మిల గట్టి విమర్శలు చేశారు.
Also Read: Chandrababu Naidu: ఏపీ ఎమ్మెల్యేలకు చంద్రబాబు మార్గదర్శనం..విలువైన సలహాలు!!
అసెంబ్లీ సమావేశాలకు జగన్ హాజరు కాకపోవడం, “మీ స్వయంకృతాపరాధమే” అని షర్మిల అన్నారు. ప్రజలు జగన్‌ను 151 స్థానాలు ఇచ్చి ఆయనకు గౌరవం ఇచ్చినప్పటికీ, ఆయన ఇప్పుడు 11 స్థానాలకు పరిమితం అయ్యారని పేర్కొన్నారు. ఈ పరిస్థితి పట్ల జగన్ గౌరవంగా ప్రవర్తించాలి అని ఆమె సూచించారు. “ప్రజల తీర్పు మీద గౌరవం ఉంటే, అసెంబ్లీకి వెళ్లకపోవడం ఎంతవరకు సమర్ధించగలుగుతారు?” అని ఆమె ప్రశ్నించారు.
షర్మిల మరింతగా విరుచుకుపడుతూ, “ఎన్నికల సమయంలో అసెంబ్లీకి వెళ్లాలన్న మాట మీరు చెప్పారా?” అని నిలదీశారు. ప్రజలు ఇచ్చిన ఓట్లతో గెలిచిన పార్టీ సభ్యులు అసెంబ్లీకి హాజరుకాకపోవడం ప్రజలకి వెన్నుపోటు పొడిచినట్టు అయిందని ఆమె అన్నారు. “మీకు సత్తా లేకపోతే రాజీనామా చేయండి,” అని ఆమె జవాబిస్తూ, రాజకీయ వ్యతిరేకతలపై గట్టి ఆందోళన వ్యక్తం చేశారు.