Chandrababu: ఆంధ్రప్రదేశ్ రాజకీయాల్లో “బుక్కుల రాజకీయాలు” క్రమంగా వేడెక్కుతున్నాయి. టీడీపీ తీసుకువచ్చిన “రెడ్ బుక్” తో మొదలైన ఈ ట్రెండ్, ఇప్పుడు వైసీపీ “గుడ్ బుక్,” జనసేన “వారాహి డిక్లరేషన్,” మరియు తాజా “ఎల్లో బుక్” తో కొనసాగుతోంది. వైసీపీ, తమ “గుడ్ బుక్” ద్వారా మంచి పనులు చేసిన వారిని గుర్తించి ప్రోత్సహించబోతున్నట్లు చెబుతోంది. ఇక జనసేన, “వారాహి డిక్లరేషన్” ద్వారా సనాతన ధర్మ పరిరక్షణకు పిలుపునిస్తోంది.
YSRCP Good Book and TDP Yellow Book
ఇప్పుడు ప్రధానంగా చర్చనీయాంశంగా మారుతున్నది “ఎల్లో బుక్.” ఈ బుక్, టీడీపీకి అనుకూలమైన మీడియా ద్వారా రూపొందించబడినదని, అందులో టీడీపీ నేతల అవినీతి, అక్రమాలను బహిర్గతం చేస్తున్నారని సమాచారం. భూములు, ఇసుక, మద్యం వంటి దందాల్లో నేతలు చేసిన అక్రమాల వివరాలు ఇందులో ప్రస్తావిస్తున్నట్లు తెలుస్తోంది, దీని ద్వారా టీడీపీ నేతలపై ఒత్తిడి తీసుకురావాలనే యత్నం జరుగుతోంది.
Also Read: Vijay Deverakonda: ‘March 28’ పాన్ ఇండియా మార్కెట్ లేని చిరు, పవన్ లాకా.. విజయ్ దేవరకొండ VD12 కా!!
ఇప్పుడిదే తరుణంలో, టీడీపీ అధినాయకత్వం ఈ “ఎల్లో బుక్” పై ఎలా స్పందిస్తుందన్నది ఆసక్తికరంగా మారింది. ఆ పార్టీ నేతల అవినీతి వల్ల టీడీపీకి చెడ్డపేరు వస్తుందని అనుకూల మీడియా భావిస్తోంది. ఈ బుక్ ద్వారా వచ్చిన ఆరోపణలు అధినాయకత్వానికి చేరి, సరికొత్త చర్యలు తీసుకోవడానికి ఒత్తిడి తెస్తుందని చెబుతున్నారు.
మొత్తం మీద, ఆంధ్రప్రదేశ్ రాజకీయాల్లో “బుక్కుల యుద్ధం” మరింత ఆసక్తికరంగా మారింది. అన్ని ప్రధాన రాజకీయ పార్టీలు తమ “బుక్కుల” ద్వారా ప్రజలను ఆకర్షించి, రాబోయే ఎన్నికలకు అనుకూలంగా ప్రచారం చేసుకోవాలని ప్రయత్నిస్తున్నాయి.