Rajinikanth: తమిళ సూపర్‌స్టార్ రజనీకాంత్ ప్రధాన పాత్రలో నటిస్తున్న చిత్రం “వేట్టైయన్”. ఈ సినిమాను ప్రముఖ దర్శకుడు టీజే జ్ఞానవెల్ తెరకెక్కిస్తుండగా, లైకా ప్రొడక్షన్స్ నిర్మాణ బాధ్యతలు తీసుకుంది. బాలీవుడ్ దిగ్గజం అమితాబ్ బచ్చన్, ఫహద్ ఫాజిల్, మంజు వారియర్, రానా దగ్గుబాటి వంటి ప్రముఖ నటులు ఈ చిత్రంలో కీలక పాత్రలు పోషిస్తున్నారు. సినిమా షూటింగ్ పూర్తవ్వడం, అభిమానులలో అంచనాలు మరింత పెంచింది.
Rajinikanth Viral Dance Video at “Vettaiyan” Event
ఈ చిత్రానికి సంగీతం అందించిన అనిరుధ్ రవిచందర్ ఇటీవల “మానసిలియో” అనే పాటను యూట్యూబ్‌లో విడుదల చేశారు. ఈ పాటకు మంచి స్పందన వచ్చింది, ఎంతో మంది అభిమానుల మనసులను గెలుచుకుంది. “వేట్టైయన్” ఆడియో మరియు ప్రీ రిలీజ్ ఈవెంట్‌ను సెప్టెంబర్ 20న చెన్నైలోని జవహర్ లాల్ నెహ్రూ స్టేడియంలో భారీగా నిర్వహించారు. ఈ కార్యక్రమంలో రజనీకాంత్ తన స్టెప్పులతో అభిమానులను అలరించారు. అనిరుధ్‌తో కలిసి డ్యాన్స్‌ చేసి అక్కడున్నవారిని ఉల్లాసపరిచారు.
Also Read: Rohit Sharma: విరాట్ కోహ్లి మీద చిరకుపడ్డ రోహిత్.. బంగ్లా మ్యాచ్ లో విడ్డూరం!!
ఈ ఈవెంట్‌లో రజనీకాంత్ మాట్లాడుతూ, అనిరుధ్ తనకు కుమారుడితో సమానమని అభిమానం వ్యక్తం చేశారు. అలాగే, దర్శకుడు జ్ఞానవెల్‌తో ఒక మంచి సందేశం ఉన్న చిత్రం చేయాలన్న తన ఆలోచనను పంచుకున్నారు. “ఈ చిత్రం ప్రజలందరికీ ఆనందాన్ని పంచేలా ఉంటుంది” అని చెప్పారు, అభిమానుల కోసం ఈ చిత్రం ప్రత్యేకంగా ఉండబోతుందన్న నమ్మకం వ్యక్తం చేశారు.
“వేట్టైయన్” సినిమాను పాన్-ఇండియా స్థాయిలో అక్టోబర్ 10న విడుదల చేయనున్నారు. రజనీ సినిమాలు ప్రేక్షకుల నుంచి ఎప్పుడూ విశేష ఆదరణ పొందుతాయి, ఈ చిత్రం కూడా పెద్ద విజయాన్ని సాధిస్తుందని అభిమానులు ఆశగా ఎదురు చూస్తున్నారు.