Karthi Injured: ఆసుపత్రిలో చేరిన కార్తీ.. ‘సర్దార్ 2’ షూటింగ్‌లో గాయం.. ఇక సినిమాలకు నో!!
Karthi Injured: తమిళ నటుడు కార్తీ ‘సర్దార్ 2’ సినిమా షూటింగ్‌లో ప్రమాదానికి గురయ్యారు. కర్ణాటకలో యాక్షన్ సన్నివేశాలు చిత్రీకరిస్తుండగా, ఒక ప్రమాదవశాత్తు ఆయన కాలికి గాయమైంది. చిత్రబృందం వెంటనే స్పందించి, ఆయన్ను సమీప ఆసుపత్రికి తరలించింది. వైద్యుల పరిశీలన అనంతరం, ఆయన ఆరోగ్యం నిలకడగా ఉందని చెప్పారు. అయితే, పూర్తిగా కోలుకోవడానికి ఆయనకు కనీసం వారం రోజులు విశ్రాంతి అవసరమని సూచించారు.
Karthi Injured During Sardar 2 Shooting
కార్తీ గాయం కారణంగా ‘సర్దార్ 2’ షూటింగ్ తాత్కాలికంగా నిలిపివేయాల్సి వచ్చింది. ఇది ఈ సినిమా షూటింగ్‌లో కార్తీకి జరిగిన రెండవ ప్రమాదం కావడం గమనార్హం. గతంలో ఓ యాక్షన్ సన్నివేశంలో కూడా కార్తీ స్వల్పంగా గాయపడ్డారు. ఈ ఘటనలతో చిత్రబృందం మరింత జాగ్రత్తలు తీసుకోవాలని నిర్ణయించింది.
‘సర్దార్ 2’ 2022లో వచ్చిన హిట్ మూవీ ‘సర్దార్’కు కొనసాగింపు కథ. ఈ సినిమాలో కార్తీ ప్రధాన పాత్రలో నటిస్తుండగా, రజిషా విజయన్, ఎస్జే సూర్య, మాళవిక మోహనన్, ఆషికా రంగనాథ్ వంటి ప్రముఖులు ఇతర ముఖ్య పాత్రలు పోషిస్తున్నారు. ఈ సినిమా యాక్షన్, థ్రిల్లర్ అంశాలతో ప్రేక్షకులను అలరించనుంది.
కార్తీ త్వరగా కోలుకుని మళ్లీ షూటింగ్‌లో పాల్గొనాలని అభిమానులు ఆకాంక్షిస్తున్నారు. ప్రస్తుతం ఆయన ఆరోగ్య పరిస్థితి మెరుగ్గా ఉందని, త్వరలోనే షూటింగ్ మళ్లీ ప్రారంభమవుతుందని సమాచారం. ‘సర్దార్ 2’ చిత్రబృందం త్వరలోనే కొత్త షెడ్యూల్‌ను ప్రకటించే అవకాశం ఉంది.