Sreeleela: సోషల్ మీడియాలో ఎప్పుడూ ఏదో ఒక అంశం వైరల్ అవుతూనే ఉంటుంది. హీరోలు హీరోయిన్ లు చేసిన పాత వీడియోలు తిరిగి వెలుగులోకి రావడం, వాటిని వైరల్ చేయడం కొందరికి అదే పనిగా మారింది. ముఖ్యంగా సెలబ్రిటీలకు సంబంధించిన వీడియోలు అయితే జనాలను మరింత ఆకట్టుకుంటాయి. ఇప్పుడు అలా శ్రీలీల పాత వీడియో ఒకటి నెట్టింట్లో చక్కర్లు కొడుతోంది.
Actress Sreeleela Comments on Item Songs
తెలుగు తెరకు శ్రీలీల “పెళ్లి సందడి” సినిమాతో పరిచయం కాగా, ఆ తర్వాత “ధమాకా” చిత్రంతో మంచి విజయాన్ని అందుకుంది. అయితే తరువాతి కాలంలో కొన్ని ప్లాప్‌లతో వెనకబడిన ఆమె, ఇప్పుడు మరోసారి “పుష్ప 2”లో స్పెషల్ సాంగ్ చేయబోతుందన్న వార్తలు వినిపిస్తున్నాయి. గుంటూరు కారం సినిమాలో మహేష్‌తో చేసిన స్టెప్పుల వల్ల సుకుమార్ ఆమెను ఎంపిక చేశారట.
Also Read: Hero: టాలీవుడ్ స్టార్ హీరో కి వశీకరణ..ఫుడ్ లో ఆ పొడి కలిపి.?
అయితే గతంలో శ్రీలీల ఐటెం సాంగ్స్ చేయనని చెప్పిన ఓ వీడియో ఇప్పుడు వైరల్ అవుతోంది. ఓ సినిమా ప్రమోషన్ సందర్భంగా ఆమె ఓ ఇంటర్వ్యూలో ఈ విషయం వెల్లడించింది. తాను పద్ధతైన పాత్రలు చేస్తున్న సమయంలో ప్రత్యేక పాటలు చేయడం సరికాదని, ప్రేక్షకులు కూడా తానుచేసే పాత్రలను తేడా లేకుండా చూడాలని కోరుకుంటున్నారని అన్నారు.
ఇప్పుడు శ్రీలీల “పుష్ప 2”లో స్పెషల్ సాంగ్ చేస్తుందా లేదా అనేది ఆసక్తికరంగా మారింది. సుకుమార్ చిత్రాల్లో స్పెషల్ సాంగ్స్‌కి ప్రత్యేకమైన క్రేజ్ ఉంటుంది. “పుష్ప”లో సమంత చేసిన “ఊ అంటావా మావా” పాట ఎంత పెద్ద హిట్ అయ్యిందో అందరికీ తెలిసిందే. శ్రీలీల కూడా ఆ స్థాయిలో ఆకట్టుకుంటుందేమో చూడాలి.