Formula E Scandal: రేవంత్ పక్కా స్కెచ్.. రేసింగ్ స్కాం లో కేటీఆర్ జైలుకు వెళ్లక తప్పదా?

Formula E Scandal: బీఆర్‌ఎస్‌ ప్రభుత్వ హయాంలో జరిగిన ఫార్ములా ఈ రేసింగ్‌ వ్యవహారం పెద్ద వివాదంగా మారింది. తాజాగా, ఈ కేసులో రాష్ట్ర మంత్రి కేటీఆర్‌పై ఎఫ్‌ఐఆర్‌ నమోదు కావొచ్చనే వార్తలు వైరల్ అవుతున్నాయి. ఈ అంశంపై రాష్ట్ర ప్రభుత్వం గవర్నర్‌కి లేఖ రాసింది. గవర్నర్‌ దీనిపై న్యాయ సలహాలు కోరినట్లు సమాచారం. ఈ రేసింగ్ కార్యక్రమం ఆర్థిక లావాదేవీలపై అనేక సందేహాలు, అనుమానాలు వ్యక్తం అవుతున్నాయి. విదేశీ కంపెనీలకు అనుమతులు లేకుండా భారీగా చెల్లింపులు జరిపారని ఆరోపణలు ఉన్నాయి.

Formula E Scandal High-Profile Investigation on KTR

గతంలో ముఖ్య కార్యదర్శి గా చేసిన అర్వింద్ కుమార్‌పై కూడా చర్యలు తీసుకోవాలని ఏసీబీ (ఆంటీ కరప్షన్ బ్యూరో) సూచించింది. ఈ నేపథ్యంలోనే ఏసీబీ అనుమతి కోసం రాష్ట్ర ప్రభుత్వాన్ని ఆశ్రయించగా, ప్రభుత్వం దానిని ఆమోదించింది. హైదరాబాద్ నెక్లెస్ రోడ్డులో నిర్వహించిన ఫార్ములా ఈ రేసింగ్ ప్రాజెక్టుకు మున్సిపల్ శాఖ పత్రాలన్నీ ఇప్పుడు ఏసీబీ దృష్టిలోకి వచ్చాయి. త్వరలోనే ఈ కేసుకు సంబంధించి నోటీసులు పంపనున్నారు. ఈ రేసింగ్ కార్యక్రమం రెండు సీజన్లు మాత్రమే నిర్వహించబడింది, కానీ దానివల్ల ప్రభుత్వానికి పెద్దగా లాభాలు రాలేదు. పైగా, సుమారు రూ. 55 కోట్లను విదేశీ సంస్థలకు చెల్లించారన్న ఆరోపణలు మరో వివాదానికి కారణమయ్యాయి.

Also Read: Rishabh Pant: ఆమె కాలు మొక్కి ఆశీర్వాదం తీసుకున్న రిషబ్ పంత్.. అందరిని హత్తుకున్న వీడియో!!

రూపాయల చెల్లింపుల వ్యవహారం కూడా అనేక సందేహాలకు గురి చేస్తోంది. విదేశీ సంస్థలకు అనుమతులు లేకుండా ఎలా చెల్లింపులు జరిగాయనే అంశంపై ఆర్బీఐ అనుమతి అవసరమని అధికారులు అంటున్నారు. ఈ లావాదేవీలలో ఎలాంటి అవకతవకలు చోటుచేసుకున్నాయా అన్నది ఇప్పుడు విచారణలో కీలకాంశంగా మారింది. ఎలాంటి అక్రమాలు బయటపడితే కేటీఆర్ సహా ఇతర అధికారులపై నోటీసులు జారీ అయ్యే అవకాశం ఉంది. అధికారులపై కూడా నేర పరిశోధన కఠినతరంగా కొనసాగుతోంది.

ఈ రేసింగ్ ప్రాజెక్టు 2022లో ప్రారంభమై, మొదటి సీజన్ అనంతరం రెండో సీజన్‌లో ప్రమోటర్‌ ఆసక్తి చూపకపోవడంతో ఏదో విధంగా ఆగిపోయింది. అయితే, సీజన్‌ రద్దు కూడా చేయలేదు. ప్రభుత్వ యంత్రాంగం రూ.55 కోట్లను ముందుగానే చెల్లించింది, కానీ ప్రమోటర్ ఆసక్తి చూపకపోవడంతో ప్రాజెక్ట్ అసమర్థంగా నిలిచింది. ఈ రేసింగ్‌ కార్యక్రమాన్ని నిర్వర్తించడంలో నిర్లక్ష్యం వల్లే పెద్ద మొత్తంలో నష్టపోయామని విమర్శలు వ్యక్తమవుతున్నాయి.

తాజాగా అధికారంలోకి వచ్చిన కాంగ్రెస్ ప్రభుత్వం ఈ ఒప్పందాన్ని రద్దు చేసింది. ప్రభుత్వం గవర్నర్ అనుమతి కోసం ఎదురు చూస్తోంది, తద్వారా కేసును న్యాయపరంగా ముందుకు తీసుకెళ్లడానికి గవర్నర్ అనుమతిని పొందనుంది. అనుమతి వచ్చిన వెంటనే, ఆ అవకతవకలను విచారించి, అప్పటి అధికారులతో పాటు కేటీఆర్ పై కూడా చర్యలు తీసుకునే అవకాశం ఉందని సమాచారం.